ഇന്ന് ഏപ്രില്‍ രണ്ട്: എന്നിട്ടും മോദി ജനങ്ങളെ വിഢികളാക്കുന്നത് അവസാനിപ്പിച്ചിട്ടില്ലെന്ന് കുനാല്‍ കമ്ര

ന്യൂഡല്‍ഹി: വിഢിദിനം കഴിഞ്ഞിട്ടും മോദി ജനങ്ങളെ വിഢികളാക്കുന്നത് അവസാനിപ്പിച്ചിട്ടില്ലെന്ന പരിഹാസവുമായി കുനാല്‍ കമ്ര. തന്റെ ട്വിറ്റര്‍ പേജിലൂടെയാണ് സ്റ്റാന്റ്അപ് കൊമേഡിയന്‍ കുനാല്‍ കമ്ര മോദിയെ വിമര്‍ശിച്ചത്.

ഏപ്രില്‍ ഒന്നിനും മോദിക്കെതിരേ രൂക്ഷ വിമര്‍ശനവുമായി കുനാല്‍ രംഗത്തെത്തിയിരുന്നു. ഏഴ് വര്‍ഷമായി എല്ലാദിവസവും രാജ്യത്ത് ഏപ്രില്‍ ഒന്നാണെന്നായിരുന്നു ഇന്നലെ ട്വീറ്റ് ചെയ്തത്. മോദി ഭരണം ഏറ്റെടുത്തത് മുതല്‍ രാജ്യത്തെ ജനങ്ങളെ വിഢികളാക്കുന്നു എന്ന വിമര്‍ശനമാണ് കുനാല്‍ കമ്ര ഉന്നയിക്കുന്നത്. ഇന്ധന വിലവര്‍ദ്ധനവിനെതിരായ മോദിയുടെ പഴയ ട്വീറ്റുകളും മറ്റു വാഗ്ദാനങ്ങളും അടങ്ങുന്ന ട്രോള്‍ വീഡിയോയും ട്രിറ്ററില്‍ പങ്ക് വച്ചിരുന്നു.