പുത്തനത്താണിയില് ഷിഗല്ല മരണമെന്ന് സംശയം; ജാഗ്രത നിര്ദേശം നല്കി ഡിഎംഒ
മലപ്പുറം: പുത്തനത്താണിയില് ഷിഗല്ല മരണം സംശയിക്കുന്ന സാഹചര്യത്തില് പൊതുജനങ്ങള് അതീവശ്രദ്ധ പുലര്ത്തണമെന്ന് ജില്ലാ മെഡിക്കല് ഓഫിസര് ഡോ. ആര്. രേണുക. അറിയിച്ചു. വയറിളക്ക രോഗങ്ങളുടെ പ്രധാന കാരണമാണ് ഷിഗല്ല ബാക്ടീരിയ മൂലമുള്ള രോഗബാധ. കൂടുതലും കുട്ടികളെയാണ് രോഗം ബാധിക്കുന്നത്. ഒരാളില് നിന്നും മറ്റൊരാളിലേക്ക് ഈ രോഗം പകരുന്നത് മലിന ജലത്തിലൂടെയും പഴകിയതും കേടായതുമായ ഭക്ഷണത്തിലൂടെയുമാണ്. രോഗികളുടെ വിസര്ജ്യവുമായി നേരിട്ടോ പരോക്ഷമായോ സമ്പര്ക്കമുണ്ടായാല് രോഗം എളുപ്പത്തില് വ്യാപിക്കും.
ഷിഗല്ല ബാക്ടീരിയ ശരീരത്തില് പ്രവേശിച്ച് ഒന്നോ രണ്ടോദിവസങ്ങള്ക്ക് ശേഷമാണ് ലക്ഷണങ്ങള് ഉണ്ടാകുക. ഒരാഴ്ചയോളം സമയമെടുത്താണ് അപകടകരമായ രീതിയില് ബാക്ടീരിയ പെരുകുന്നത്. അതിനാല് ലക്ഷണങ്ങള് കണ്ട് തുടങ്ങുമ്പോള് തന്നെ ചികിത്സ തേടണം. വയറിളക്കം, രക്തവും പഴുപ്പും കലര്ന്ന മലം, അടിവയറ്റിലെ വേദന, പനി, ഛര്ദ്ദി, നിര്ജലീകരണം തുടങ്ങിയവയാണ് പ്രധാന ലക്ഷണങ്ങള്. ഷിഗല്ല ബാക്ടീരിയ ബാധിച്ചാലും ചില കുട്ടികളില് ലക്ഷണങ്ങള് കാണില്ല. എന്നാല് അവരുടെ മലത്തിലൂടെ ബാക്ടീരിയ പുറത്ത് വരുന്നതിനാല് രോഗം മറ്റുള്ളവര്ക്ക് പകരാനിടയാക്കും. കൃത്യ സമയത്ത് ചികിത്സ നല്കിയില്ലെങ്കില് രോഗം തലച്ചോറിനെയും വൃക്കയെയും ബാധിച്ച് മരണം വരെ സംഭവിക്കാം.
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMTമറുപടി പറഞ്ഞാല് തെളിവുകള് പുറത്തുവിടും; ലീഗ് നേതാക്കളെ...
20 April 2024 9:16 AM GMT'പ്രസാര് ഭാരതിയല്ല, പ്രചാര് ഭാരതി'; ദൂരദര്ശന് ലോഗോയുടെ...
20 April 2024 9:01 AM GMTഎഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMT