ബഫര്സോണില് ഇടപെടണമെന്നാവശ്യപ്പെട്ട് കത്തയച്ചു; ആക്രമണത്തിന് പിന്നാലെ തെളിവുനിരത്തി രാഹുലിന്റെ ഫേസ്ബുക്ക് പോസ്റ്റ്
ഇന്നലെ അയച്ച കത്ത് അടക്കം പങ്കുവെച്ചുകൊണ്ടാണ് രാഹുല് ഗാന്ധിയുടെ വിശദീകരണം.
ന്യൂഡല്ഹി: എസ്എഫ്ഐ പ്രവര്ത്തകര് വയനാട്ടിലെ ഓഫിസ് അടിച്ചുതകര്ത്തതിനു പിന്നാലെ ബഫര് സോണ് വിഷയത്തില് പ്രധാനമന്ത്രി ഇടപെടണമെന്ന് ആവശ്യപ്പെട്ട് അയച്ച കത്ത് ഫേസ്ബുക്കില് പങ്കുവച്ച് കോണ്ഗ്രസ് നേതാവും എംപിയുമായ രാഹുല് ഗാന്ധി. ഇന്നലെ അയച്ച കത്ത് അടക്കം പങ്കുവെച്ചുകൊണ്ടാണ് രാഹുല് ഗാന്ധിയുടെ വിശദീകരണം.
ബഫര് സോണ് വിഷയത്തില് രാഹുല് ഗാന്ധി കാര്യക്ഷമമായി ഇടപെടുന്നില്ലെന്നാരോപിച്ചായിരുന്നു എസ്എഫ്ഐ പ്രവര്ത്തകര് വയനാട്ടിലെ രാഹുല് ഗാന്ധിയുടെ ഓഫിസ് ആക്രമിച്ചത്. ഇതിന് പിന്നാലെയാണ് വിഷയത്തില് ഇടപെട്ടതിന്റെ തെളിവുകള് രാഹുല് ഗാന്ധി ഫേസ്ബുക്കില് പങ്കുവച്ചത്.
ജനവികാരം മാനിച്ച് തീരുമാനം പുനപ്പരിശോധിക്കണമെന്നാണ് അദ്ദേഹം കേന്ദ്ര സര്ക്കാരിനോട് കത്തില് ആവശ്യപ്പെട്ടിരിക്കുന്നത്.
'ദേശീയോദ്യാനങ്ങള്ക്കും വന്യജീവി സങ്കേതങ്ങള്ക്കും ചുറ്റുമുള്ള പരിസ്ഥിതി ലോല മേഖലകളുടെ പരിപാലനം സംബന്ധിച്ച സുപ്രിം കോടതി ഉത്തരവ് പ്രതികൂലമായി ബാധിക്കുന്ന വയനാട്ടിലെ ജനങ്ങളുടെ ദുര്സ്ഥിതിയിലേക്ക് പ്രധാനമന്ത്രിയുടെ ശ്രദ്ധക്ഷണിച്ച് കത്തയച്ചു. കേന്ദ്ര ഉന്നതാധികാര സമിതിയോടും പരിസ്ഥിതി, വനം, കാലാവസ്ഥാ മന്ത്രാലയത്തോടും പരിസ്ഥിതി ലോല മേഖലകളുടെ പരിധി കുറക്കാന് അഭ്യര്ത്ഥിച്ചുകൊണ്ട് കേന്ദ്രസംസ്ഥാന സര്ക്കാരുകള്ക്ക് സഹായിക്കാനാകും. വിഷയത്തില് കേരള മുഖ്യമന്ത്രിക്കും കത്തയച്ചു'- രാഹുല് ഫേസ്ബുക്കില് കുറിച്ചു.
RELATED STORIES
പാരിസ് ഒളിംപിക്സ് 2024; ഹോക്കിയില് ഇന്ത്യ ഇന്നിറങ്ങും; എതിരാളികള്...
27 July 2024 9:54 AM GMT3 ജില്ലകളിൽ നാളെ ഓറഞ്ച് അലർട്ട്, അതിശക്തമായ മഴയ്ക്ക് സാധ്യതയെന്ന്...
27 July 2024 9:34 AM GMTഅര്ജുന് വേണ്ടി ഇപ്പോള് നടക്കുന്ന തിരച്ചിലില് കുടുംബം തൃപ്തരെന്ന്...
27 July 2024 9:30 AM GMTനീതി ആയോഗ് യോഗം ബഹിഷ്കരിച്ച് പ്രതിപക്ഷ മുഖ്യമന്ത്രിമാര്; മൈക്ക്...
27 July 2024 9:27 AM GMTഎത്യോപ്യയിലുണ്ടായ മണ്ണിടിച്ചിലില് മരണം 275 ആയി; നിരവധി പേര്...
27 July 2024 7:43 AM GMTവിസ്മയച്ചെപ്പ് തുറന്ന് പാരിസ് ഒളിംപിക്സിന് കൊടിയേറ്റം;...
27 July 2024 7:21 AM GMT