ലോക്സഭ: എസ്ഡിപിഐ ആദ്യഘട്ട സ്ഥാനാര്ഥികളെ പ്രഖ്യാപിച്ചു
ചാലക്കുടിയില് റോയി അറയ്ക്കലും കെ കെ അബ്ദുല് ജബ്ബാര് കണ്ണൂരിലും മുസ്തഫ കൊമ്മേരി വടകരയിലും ബാബു മണി കരുവാരക്കുണ്ട് വയനാട്ടിലും അഡ്വ. കെ സി നസീര് പൊന്നാനിയിലും വി എം ഫൈസല് എറണാകുളത്തും മല്സരിക്കും.
കൊച്ചി: യഥാര്ത്ഥ ബദലിന് എസ്ഡിപിഐക്ക് വോട്ട് ചെയ്യുക എന്ന മുദ്രാവാക്യമുയര്ത്തി ലോക്സഭ തിരഞ്ഞെടുപ്പില് പാര്ട്ടി മല്സരിക്കുകയാണെന്ന് എസ്ഡിപിഐ ദേശീയ വൈസ് പ്രസിഡന്റും കേരളത്തിന്റെ ചുമതലയുമുള്ള ദഹ്ലാന് ബാഖവി പറഞ്ഞു. സംസ്ഥാനത്ത് വിവിധ മണ്ഡലങ്ങളില് മല്സരിക്കുന്ന സ്ഥാനാര്ഥികളുടെ ആദ്യഘട്ട പട്ടിക അദ്ദേഹം വാര്ത്താസമ്മേളനത്തില് പ്രഖ്യാപിച്ചു.
ദേശീയ സമിതി അംഗവും സംസ്ഥാന ജനറല് സെക്രട്ടറിയുമായ റോയി അറയ്ക്കല് ചാലക്കുടിയിലും ദേശീയ സമിതി അംഗവും സംസ്ഥാന സെക്രട്ടറിയുമായ കെ കെ അബ്ദുല് ജബ്ബാര് കണ്ണൂരിലും ജനവിധി തേടും. സംസ്ഥാന ജനറല് സെക്രട്ടറി മുസ്തഫ കൊമ്മേരി വടകരയില് മല്സരിക്കും. എസ്ഡിടിയു സംസ്ഥാന കമ്മിറ്റി അംഗം ബാബു മണി കരുവാരക്കുണ്ട് വയനാട്ടിലും എസ്ഡിപിഐ മലപ്പുറം ജില്ലാ സെക്രട്ടറിയും പ്രമുഖ അഭിഭാഷകനുമായ അഡ്വ. കെ സി നസീര് പൊന്നാനിയിലും, എസ്ഡിപിഐ എറണാകുളം ജില്ലാ ജനറല് സെക്രട്ടറി വി എം ഫൈസല് എറണാകുളത്തും മല്സരിക്കും.
വാര്ത്താസമ്മേളനത്തില് പി അബ്ദുല് മജീദ് ഫൈസി (സംസ്ഥാന പ്രസിഡന്റ്), എം കെ മനോജ് കുമാര് (സംസ്ഥാന വൈസ് പ്രസിഡന്റ്), മൂവാറ്റുപുഴ അഷ്്റഫ് മൗലവി (സംസ്ഥാന വൈസ് പ്രസിഡന്റ്), പി അബ്ദുല് ഹമീദ് (സംസ്ഥാന ജനറല് സെക്രട്ടറി), റോയി അറയ്ക്കല് (സംസ്ഥാന ജനറല് സെക്രട്ടറി) പങ്കെടുത്തു.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT