പത്തനംതിട്ടയില്‍ കൊവിഡ് സ്ഥിരീകരിച്ച പെണ്‍കുട്ടിയുടെ റൂട്ട്മാപ്പ് പുറത്തുവിട്ടു

പത്തനംതിട്ട: ജില്ലയില്‍ ഞായറാഴ്ച രോഗം സ്ഥിരീകരിച്ച പെണ്‍കുട്ടിയുടെ റൂട്ട്മാപ്പ് പുറത്തുവിട്ടു. പന്തളം സ്വദേശിനയായ പെണ്‍കുട്ടി ഡല്‍ഹിയില്‍ വിദ്യാര്‍ഥിനിയാണ്. ന്യൂഡല്‍ഹിയിലുണ്ടായിരുന്ന ഇവര്‍ മാര്‍ച്ച് 17ന് മംഗള-ലക്ഷദ്വീപ് എക്‌സ്പ്രസിലാണ് എറണാകുളം ജങ്ഷന്‍ റെയില്‍വേ സ്‌റ്റേഷനിലിയത്. അതിനുശേഷം ശബരി എക്‌സ്പ്രസില്‍ ചെങ്ങന്നൂരിലെത്തി. അവിടെനിന്ന് കെഎസ്ആര്‍ടിസി ബസില്‍ പന്തളത്തെത്തി. തുടര്‍ന്ന് വീട്ടുനിരീക്ഷണത്തില്‍ കഴിയുകയായിരുന്നു. പെണ്‍കുട്ടി സഞ്ചരിച്ച സ്ഥലങ്ങളില്‍ ഈ തിയ്യതികളില്‍ പ്രസ്തുത സമയത്ത് ഉണ്ടായിരുന്നവര്‍ 9188297118, 9188294118 എന്നീ നമ്പറുകളില്‍ ബന്ധപ്പെടണമെന്ന് ജില്ലാ ഭരണകൂടം അറിയിച്ചു.