ഭര്ത്താവുമായി അകന്നു താമസിക്കുന്നതിനിടെ പ്രണയം; യുവതിയെ മാതാപിതാക്കള് കൊലപ്പെടുത്തി
നണ്ടുപ്പട്ടി ഗ്രാമത്തില് താമസിക്കുന്ന 23കാരിയായ കൗസല്യയാണ് കൊല്ലപ്പെട്ടത്. സംഭവത്തില് മാതാപിതാക്കളായ തെന്നരശ്, അമൃതവല്ലി എന്നിവരെ എമനേശ്വരം പോലിസ് അറസ്റ്റുചെയ്തു.
നാലുവര്ഷംമുമ്പ് വിവാഹിതയായ കൗസല്യ കുടുംബകലഹത്തെത്തുടര്ന്ന് ഭര്തൃഗൃഹംവിട്ട് നാലുമാസമായി മാതാപിതാക്കള്ക്കൊപ്പമായിരുന്നു താമസം. ഇതിനിടെ ഗ്രാമത്തില്ത്തന്നെയുള്ള അന്യജാതിക്കാരനായ ഒരു യുവാവുമായി അടുപ്പത്തിലായി. ഇതറിഞ്ഞ തെന്നരശും അമൃതവല്ലിയും മകളെ ശാസിക്കുകയും ഭര്ത്താവിനോടൊപ്പം പോകാന് ആവശ്യപ്പെടുകയും ചെയ്തു. എന്നാല്, യുവതി കാമുകനുമായുള്ള ബന്ധം തുടര്ന്നു. ഇതേച്ചൊല്ലി വീട്ടില് വഴക്കായതോടെ കഴിഞ്ഞ വെള്ളിയാഴ്ച കൗസല്യ എലിവിഷം കഴിച്ച് ജീവനൊടുക്കാന് ശ്രമിച്ചു.
അബോധാവസ്ഥയില്ക്കിടന്ന യുവതിയെ അയല്ക്കാര്ചേര്ന്ന് പരമകുടി സര്ക്കാര് ആശുപത്രിയില് പ്രവേശിപ്പിച്ചെങ്കിലും അധികൃതരെ അറിയിക്കാതെ തെന്നരശും അമൃതവല്ലിയും മകളെ വീട്ടിലേക്ക് കൊണ്ടുവന്ന് കഴുത്തുഞെരിച്ച് കൊലപ്പെടുത്തുകയായിരുന്നു. വിഷം കഴിച്ചു മകള് മരിച്ചെന്നാണ് നാട്ടുകാരോട് പറഞ്ഞത്. പോലിസിലറിയിക്കാതെ മൃതദേഹം ദഹിപ്പിക്കുകയും ചെയ്തു.വിവരമറിഞ്ഞ എമനേശ്വരം പോലിസ് ദുരൂഹമരണത്തിന് കേസെടുത്ത് അന്വേഷണം നടത്തിയപ്പോഴാണ് കൊലപാതകത്തിന്റെ ചുരുളഴിഞ്ഞത്. മൃതദേഹം ദഹിപ്പിക്കുന്നതിനുള്പ്പെടെ സംഭവത്തിന് കൂട്ടുനിന്നവര്ക്കായി അന്വേഷണം നടത്തുന്നുണ്ടെന്നും പോലിസ് അറിയിച്ചു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT