മാസങ്ങളായി ശമ്പളമില്ല; യുപിയില്‍ മലയാളികളടക്കമുള്ള നഴ്‌സുമാര്‍ സമരത്തില്‍

ന്യൂഡല്‍ഹി: മാസങ്ങളായി ശമ്പളം മുടങ്ങിയതിനെ തുടര്‍ന്ന് ഉത്തര്‍പ്രദേശിലെ നയതി മെഡിസിറ്റിയിലെ നഴ്‌സുമാര്‍ സമരത്തില്‍. മലയാളികളടക്കമുള്ള നഴ്‌സുമാരാണ് അനിശ്ചിതകാല സമരത്തിന് തായ്യാറായിരിക്കുന്നത്.. ആറ് മാസമായി ഇവര്‍ക്ക് ശമ്പളം നല്‍കുന്നില്ല. തുടര്‍ന്നാണ് 40 മലയാളികളടക്കം വരുന്ന് ഇരുനൂറിലേറെ ജീവനക്കാര്‍ സമരത്തിനിറങ്ങിയത്. കൊവിഡ് ഡ്യൂട്ടിയിലുള്ള നഴ്‌സുമാര്‍ക്കു പോലും ആശുപത്രി ശമ്പളം നല്‍കുന്നില്ലെന്നും പലരേയും നിര്‍ബന്ധിത അവധിയില്‍ വിടുകയും പിരിച്ചുവിടുകയും ചെയ്യുന്നതായി നഴ്‌സുമാര്‍ ആരോപിച്ചു.

കൂടാതെ ശമ്പളം നല്‍കാതെയാണ് പല സ്റ്റാഫുകളെയും പിരിച്ചുവിടുന്നതായും വ്യാപകമായി പരാതികള്‍ ഉയരുന്നുണ്ട്. മലയാളികളടക്കമുള്ള തെക്കന്‍ സംസ്ഥാനങ്ങളിലെ ജീവനക്കാര്‍ക്കാണ് പിരിച്ചുവിടല്‍ നോട്ടീസ് നല്‍കിയത്. സംഭവവുമായി ബന്ധപ്പെട്ട് ആശുപത്രി അധികൃതരുടെ ഭാഗത്ത് നിന്നും ഇതുവരെ പ്രതികരണം ഉണ്ടായിട്ടില്ല.