ഡിവൈഎഫ്‌ഐ പ്രവര്‍ത്തകരെ വെട്ടിക്കൊലപ്പെടുത്താന്‍ ശ്രമിച്ച കേസ്: മുഖ്യപ്രതിയായ യൂത്ത് ലീഗ് പ്രവര്‍ത്തകന്‍ അറസ്റ്റില്‍

താനൂര്‍: അഞ്ചുടിയിലെ ഡിവൈഎഫ്‌ഐ പ്രാദേശിക നേതാവിനെയും പ്രവര്‍ത്തകരെയും വെട്ടി കൊല്ലാന്‍ ശ്രമിച്ച സംഘത്തിലെ മുഖ്യ പ്രതി യൂത്ത്‌ലീഗ് പ്രവര്‍ത്തകന്‍ കുപ്പന്റെപുരയ്ക്കല്‍ ഇര്‍ഷാദിനെയാണ് മലപ്പുറം ക്രൈംബ്രാഞ്ച് സംഘം അറസ്റ്റ് ചെയ്തത്.

2019 മാര്‍ച്ച് 4ന് രാത്രിയാണ് കേസിനാസ്പദമായ സംഭവം നടന്നത്. മത്സ്യബന്ധനത്തിനു പോകുന്ന ചെങ്കൊടി എന്ന വള്ളത്തിലെ തൊഴിലാളികളുടെ യോഗം കഴിഞ്ഞു വരുന്ന സമയത്ത് ഡിവൈഎഫ്‌ഐ തീരദേശ മേഖല സെക്രട്ടറിയായിരുന്ന കെ പി ഷംസു, വിളിച്ചാന്റെ പുരക്കല്‍ മുസ്തഫ, ഷഹദാദ് എന്നിവരെ വെട്ടി പരിക്കേല്‍പ്പിക്കുകയായിരുന്നു.

അഞ്ചുടി ലീഗ് ഓഫീസിനു മുന്നില്‍ വച്ചാണ് അക്രമം നടത്തി വെട്ടി പരികേല്‍പ്പിച്ചത് ഡി വൈ എഫ് ഐ പ്രാദേശിക നേതാവ് ഷംസുവിന്റെ ഇരു കൈകാലുകള്‍ക്കും വെട്ടേറ്റിരുന്നു,

വെളിച്ചാന്റെ പുരയ്ക്കല്‍ മുസ്തഫയുടെ കൈയ്യിനും കാലിനും ആണ് വെട്ടേറ്റത്, ശബ്ദം കേട്ടെത്തിയ ചീമ്പാളിന്റെ പുരയ്ക്കല്‍ ഷഹദാദിന്റെ കൈവെള്ളയില്‍ പരിക്ക് പറ്റിയിരുന്നു.