യുവാവിന്റെ മരണം കൊലപാതകം: പ്രതി മഞ്ചേരി പോലിസിന്റെ പിടിയില്
മോങ്ങം ഒളമതില് രണ്ടത്താണി സ്വദേശി അഹമ്മദ് കബീര് ആണ് കൊല്ലപ്പെട്ടത്. സംഭവത്തില് പാണ്ടിക്കാട് ഹൈസ്കൂള് പടി സ്വദേശി കണ്ണച്ചത്ത് ഷാജി (40)യെയാണ് മഞ്ചേരി സിഐ റിയാസ് ചാക്കീരിയുടെ നേതൃത്വത്തില് പ്രത്യേക അന്വേഷണസംഘം അറസ്റ്റ് ചെയ്തത്.
മലപ്പുറം: കഴിഞ്ഞ ഞായറാഴ്ച രാവിലെ മഞ്ചേരി ഡോക്ടേഴ്സ് കോളനിയിലെ ഒഴിഞ്ഞ പറമ്പില് ദുരൂഹ സാഹചര്യത്തില് മരിച്ച നിലയില് യുവാവിന്റെ മൃതദേഹം കണ്ടെത്തിയ സംഭവം കൊലപാതകമാണെന്ന് തെളിഞ്ഞു.
മോങ്ങം ഒളമതില് രണ്ടത്താണി സ്വദേശി അഹമ്മദ് കബീര് ആണ് കൊല്ലപ്പെട്ടത്. സംഭവത്തില് പാണ്ടിക്കാട് ഹൈസ്കൂള് പടി സ്വദേശി കണ്ണച്ചത്ത് ഷാജി (40)യെയാണ് മഞ്ചേരി സിഐ റിയാസ് ചാക്കീരിയുടെ നേതൃത്വത്തില് പ്രത്യേക അന്വേഷണസംഘം അറസ്റ്റ് ചെയ്തത്.
കഴിഞ്ഞ ശനിയാഴ്ച രാത്രി മഞ്ചേരിയിലെ ബാറില് നിന്ന് ഇരുവരും മദ്യപിച്ചതിനുശേഷം വാക്ക് തര്ക്കം ഉണ്ടാവുകയും അമിതമായി മദ്യപിച്ചിരുന്ന അഹമ്മദ് കബീറിനെ ഒഴിഞ്ഞ പറമ്പില് വച്ച് അടിച്ചു വീഴ്ത്തുകയും നിലത്ത് വീണ കബീറിനെ നിരവധി തവണ ചവിട്ടി പരിക്കേല്പ്പിക്കുകയുമായിരുന്നു. ബോധം നഷ്ടപ്പെട്ട അഹമ്മദ് കബീറിനെ കുറ്റിക്കാട്ടിലേക്ക് വലിച്ചിഴച്ച് പ്രതി തന്റെ സ്കൂട്ടറില് രക്ഷപ്പെടുകയാണ് ഉണ്ടായത്. ആന്തരിക അവയവങ്ങള്ക്ക് ഗുരുതര പരിക്കേറ്റ് രക്തം വാര്ന്നു നേരം പുലര്ന്നപ്പോഴേക്കും മരണപ്പെടുകയായിരുന്നു.
തുടര്ന്നു രാവിലെ പ്രതി സംഭവസ്ഥലത്ത് എത്തി നോക്കിയതില് കബീര് മരണപ്പെട്ടതായി മനസ്സിലാക്കുകയും സംഭവം ആരോടും പറയാതെ മൂടിവയ്ക്കുകയുമായിരുന്നു. പോസ്റ്റ്മോര്ട്ടം നടത്തിയ ഡോക്ടര് മരണ കാര്യത്തില് സംശയം പ്രകടിപ്പിച്ചതിനെ തുടര്ന്ന് പോലിസ് അന്വേഷണം ഊര്ജിതമാക്കുകയും സിസിടിവി കേന്ദ്രീകരിച്ചും മറ്റു നടത്തിയ അന്വേഷണത്തിലാണ് പ്രതി പോലീസിന്റെ വലയിലാകുന്നത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
മലപ്പുറം ജില്ലാ പോലിസ് മേധാവി സുജിത് ദാസ് ഐപിഎസിന്റെ നിര്ദ്ദേശപ്രകാരം മലപ്പുറം ഡിവൈഎസ്പി അബ്ദുല് ബഷീറിന്റെ മേല്നോട്ടത്തില് മഞ്ചേരി പോലിസ് ഇന്സ്പെക്ടര് റിയാസ് ചാക്കീരിയുടെ നേതൃത്വത്തില് മഞ്ചേരി പോലിസ് സബ് ഇന്സ്പെക്ടര് ഷാഹുല് പ്രത്യേക അന്വേഷണ സംഘാംഗങ്ങളായ ദിനേഷ് ഇരുപ്പകണ്ടന്, സലിം പൂവത്തി, അനീഷ് ചാക്കോ, ഹരിലാല് പി, തൗഫീഖ് മുബാറക്ക് എന്നിവര് അടങ്ങിയ സംഘമാണ് പ്രതിയെ പിടികൂടി കേസ് അന്വേഷണം നടത്തുന്നത്.
RELATED STORIES
മമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMTകിറ്റ് വിതരണം കെ സുരേന്ദ്രന് വേണ്ടി; തോല്വിയുടെ ആഘാതം കുറയ്ക്കാന് :...
25 April 2024 5:49 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMT