പിഞ്ചുകുഞ്ഞിനോടും യുപി പോലിസ് ക്രൂരത; സാമൂഹിക മാധ്യമങ്ങളിൽ പ്രതിഷേധം

മീററ്റ്: യുപി പോലിസിന്റെ ക്രൂരതകൾക്കും മനുഷ്യത്വ വിരുദ്ധതയ്ക്കും അറുതിയില്ല. ഇത്തവണ യുപി പോലിസിന്റെ കൊടുംക്രൂരതയ്ക്ക് ഇരയായത് പിഞ്ചുകുഞ്ഞാണ്. രണ്ട് വിഭാ​ഗങ്ങൾ തമ്മിലുള്ള സംഘർഷത്തിനിടെ പിഞ്ചുകുഞ്ഞിനെ കയ്യിൽ പിടിച്ച് തൂക്കുന്നതിന്റെ ദൃശ്യങ്ങളാണ് സാമൂഹിക മാധ്യമങ്ങളിൽ വൈറലായത്.

ജൂൺ 22 നായിരുന്നു മീററ്റിലെ ബീഗംപുൾ ​ഗ്രാമത്തിൽ ഉത്തർപ്രദേശ് പോലിസിന്റെ ഈ ക്രൂരത അരങ്ങേറിയത്. രണ്ട് സംഘങ്ങൾക്കിടയിൽ മധ്യസ്ഥത വഹിക്കാൻ പോലിസ് പ്രദേശത്ത് എത്തുകയായിരുന്നു. ബീഗമ്പുൾ പ്രദേശത്ത് ഇരു വിഭാ​ഗങ്ങൾ തമ്മിൽ വഴക്കുണ്ടായതായി മീററ്റ് പോലിസ് പറഞ്ഞു.

പോലിസ് പറയുന്നതനുസരിച്ച്, ബീ​ഗംപുൾ പോലിസ് സ്റ്റേഷന് കീഴിലുള്ള ലാൽകുർത്തി പ്രദേശത്ത്, പോലിസുകാർ മധ്യസ്ഥത വഹിക്കാൻ പോയപ്പോൾ, ചിലർ പോലിസിന് നേരെ കല്ലെറിഞ്ഞു. രണ്ട് സംഘങ്ങൾ തമ്മിൽ സംഘട്ടനം നടക്കുമ്പോൾ കുട്ടിയെ സ്ഥലത്ത് ഉപേക്ഷിച്ചുവെന്ന് മീററ്റ് എസ്പി പറഞ്ഞു.