ചലച്ചിത്രനടന് സത്താര് അന്തരിച്ചു
മൂന്നുമാസമായി രോഗബാധിതനായി ചികില്സയില് കഴിയുകയായിരുന്നു. ആലുവയിലെ സ്വകാര്യാശുപത്രിയില് ഇന്ന് പുലര്ച്ചെ ആയിരുന്നു അന്ത്യം. സംസ്കാരം ഇന്ന് വൈകീട്ട് നാലിന് ആലുവ പടിഞ്ഞാറെ കടുങ്ങല്ലൂര് ജുമാ മസ്ജിദില്. വില്ലന് വേഷങ്ങളിലൂടെ ശ്രദ്ധേയനായ നടനായിരുന്നു സത്താര്.
കൊച്ചി: ചലച്ചിത്ര നടന് സത്താര് (67) അന്തരിച്ചു. ആലുവയിലെ ആശുപത്രിയിലായിരുന്നു അന്ത്യം. മൂന്നുമാസമായി രോഗബാധിതനായി ചികില്സയില് കഴിയുകയായിരുന്നു. ആലുവയിലെ സ്വകാര്യാശുപത്രിയില് ഇന്ന് പുലര്ച്ചെ ആയിരുന്നു അന്ത്യം. സംസ്കാരം ഇന്ന് വൈകീട്ട് നാലിന് ആലുവ പടിഞ്ഞാറെ കടുങ്ങല്ലൂര് ജുമാ മസ്ജിദില്. വില്ലന് വേഷങ്ങളിലൂടെ ശ്രദ്ധേയനായ നടനായിരുന്നു സത്താര്.
എം കൃഷ്ണന് നായര് സംവിധാനം ചെയ്ത് 1975ല് പുറത്തിറങ്ങിയ ഭാര്യയെ ആവശ്യമുണ്ട് എന്ന ചിത്രത്തിലൂടെയാണ് സത്താര് മലയാള സിനിമയിലേക്ക് കടന്നുവരുന്നത്. തൊട്ടടുത്ത വര്ഷം പുറത്തിറങ്ങിയ അനാവരണം എന്ന ചിത്രത്തില് അദ്ദേഹം നായകനായും അഭിനയിച്ചു. ശരപഞ്ജരം അടക്കമുള്ള ചിത്രങ്ങളിലെ വേഷങ്ങളിലൂടെ ശ്രദ്ധേയനായ സത്താര് പിന്നീട് വില്ലന് വേഷങ്ങളില് കൂടുതല് ശ്രദ്ധനേടിയത്. തമിഴ്, തെലുങ്ക് സിനിമകളിലും സജീവമായിരുന്ന അദ്ദേഹം മൂന്നിറിലേറെ ചിത്രങ്ങളില് അഭിനയിച്ചു. ബാബു ആന്റണി നായകനായ കമ്പോളം അടക്കം മൂന്ന് ചിത്രങ്ങള് നിര്മിക്കുകയും ചെയ്തു.
2003ന് ശേഷം അഭിനയരംഗത്ത് സജീവമായിരുന്നില്ല. എന്നാല്, 2012ല് 22 ഫീമെയില് കോട്ടയം, 2013ല് നത്തോലി ചെറിയ മീനല്ല എന്നീ ചിത്രങ്ങളില് സത്താര് ചെയ്ത വേഷങ്ങള് ശ്രദ്ധ നേടി. 2014ല് പുറത്തിറങ്ങിയ പറയാന് ബാക്കിവച്ചതാണ് അവസാനം അഭിനയിച്ച ചിത്രം. സിനിമാരംഗത്ത് സജീവമായി നില്ക്കുന്നതിനിടെ 1979ലാണ് നടി ജയഭാരതിയെ സത്താര് വിവാഹം ചെയ്യുന്നത്. സത്താര് ജയഭാരതി ദമ്പതികളുടെ മകനാണ് ചലച്ചിത്രനടന് കൂടിയായ കൃഷ് ജെ സത്താര്. ജയഭാരതിയും സത്താറും പിന്നീട് വഴിപിരിഞ്ഞു.
RELATED STORIES
സിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMTവീണ്ടും കാട്ടാന ആക്രമണം; തേനെടുക്കാന് പോയ സ്ത്രീയെ ചവിട്ടിക്കൊന്നു
28 March 2024 6:28 AM GMTതൊഴിലുറപ്പ് പദ്ധതിയുടെ വേതനം കൂട്ടി കേന്ദ്രം: ഏറ്റവും കൂടുതൽ...
28 March 2024 5:25 AM GMT