മമ്പുറം തങ്ങളുടെ മണ്ണില്‍ വിപ്ലവത്തിന്റെ പുതിയ ചരിത്രം രചിക്കാന്‍ ഡോ: തസ് ലിം റഹ്മാനി

ഹമീദ് പരപ്പനങ്ങാടി

മലപ്പുറം: അധിനിവേശത്തില്‍ നിന്നും അടിച്ചമര്‍ത്തലില്‍ നിന്നും ഒരു സമൂഹത്തെ രക്ഷിച്ച വിമോചന പോരാട്ടങ്ങള്‍ക്ക് നേതൃത്വം നല്‍കിയ ചരിത്ര പുരുഷന്‍ മമ്പുറം തങ്ങളുടെ മണ്ണില്‍ നിന്ന് വിപ്ലവത്തിന്റെ പുതിയൊരു ചരിത്രം രചിക്കാന്‍ ഡോ: തസ് ലീം റഹ്മാനി എത്തിയത് ആവേശമായി.

മലപ്പുറം ലോകസഭ ഉപ തിരഞ്ഞെടുപ്പില്‍ എസ്ഡിപിഐ സ്ഥാനാര്‍ത്ഥിയായി മത്സരിക്കുന്ന പൗരത്വ പ്രക്ഷോഭ നായകന്‍ ഡോ: തസ് ലീം റഹ്മാനിയുടെ പര്യടനം വേങ്ങര മണ്ഡലത്തിലെ മമ്പുറത്ത് നിന്ന് തുടക്കം കുറിച്ചു.

രാവിലെ 8.30 ന് മമ്പുറം മഖാം സന്ദര്‍ശനത്തോടെ പര്യടനം തുടങ്ങി. ജില്ല, മണ്ഡലം നേതാക്കള്‍ ചേര്‍ന്ന് തസ്‌ലീം റഹ്മാനി യെ സ്വീകരിച്ചു. മഖാമിലെ സന്ദര്‍ശനത്തിന് ശേഷം നടന്ന പ്രചരണ യോഗത്തില്‍ മമ്പുറം തങ്ങളുടെ പോരാട്ട പാരമ്പര്യം തിരിച്ച് പിടിക്കുമെന്ന് അദ്ധേഹം പ്രഖ്യാപിച്ചു. പള്ളി മിമ്പറുകളില്‍ നിന്ന് ഇറങ്ങി വന്ന് പോരാട്ടങ്ങള്‍ക്ക് നേതൃത്വം നല്‍കിയ സൂഫിവര്യന്‍മാര്‍ നല്‍കിയ മാതൃക മലപ്പുറത്തുകാര്‍ വീണ്ടെടുക്കുമെന്ന് അദ്ദേഹം പറഞ്ഞു. ഇന്നത്തെ പര്യടനത്തിന്റെ സമാപനം ചേറൂര്‍ അങ്ങാടിയില്‍ നടക്കും.