കുവൈത്ത്: സുരക്ഷാ പരിശോധനയില്‍ പിടിയിലായ 232 പേരെ നാടുകടത്തും

കുവൈത്ത് സിറ്റി: കുവൈത്തില്‍ നടത്തിയ സുരക്ഷാ പരിശോധനയില്‍ നിയമലംഘകരായ നിരവധി പ്രവാസികള്‍ പിടിയില്‍. പിടിയിലായ 232 പേരെ നാടുകടത്തല്‍ കേന്ദ്രത്തിലേക്ക് മാറ്റി. രാജ്യത്തെ സിറ്റി ഗവര്‍ണറേറ്റിലും അഹ്മദി ഗവര്‍ണറേറ്റിലും നടത്തിയ പരിശോധനയിലാണ് ഇവര്‍ പിടിയിലായത്. 900 പേരുടെ രേഖകള്‍ പരിശോധിച്ചു.

അറസ്റ്റിലായവരില്‍ ഒമ്പതു പേര്‍ ക്രിമിനല്‍ കേസ് പ്രതികളും 12 പേര്‍ പാര്‍പ്പിട നിയമലംഘകരും 75 പേര്‍ പാര്‍പ്പിടാനുമതി കാലാവധി കഴിഞ്ഞവരുമാണ്. ഒമ്പതു പേര്‍ സിവില്‍ കേസ് പ്രതികളും 99 പേര്‍ തിരിച്ചറിയല്‍ രേഖകള്‍ കൈവശം ഇല്ലാത്തവരും ഒളിച്ചോട്ടത്തിന് കേസുള്ള 21 പേരും ഇതില്‍ ഉള്‍പ്പെടും.