ഹോര്‍മുസ് കടലിടുക്കില്‍ യുഎസ് ഉപരോധം വിപണിയെ തകര്‍ക്കുമെന്ന് റഷ്യ

ഹോര്‍മുസ് കടലിടുക്ക് ഉപരോധിക്കുമെന്ന ട്രംപിന്റെ പ്രഖ്യാപനത്തിനെതിരേ വിമര്‍ശനവുമായി റഷ്യ. ഇത് ആഗോള വിപണികളെ ദോഷകരമായി ബാധിക്കുമെന്ന് ക്രെംലിന്‍ വക്താവ് ദിമിത്രി പെസ്‌കോവ് പറഞ്ഞു.

ഇന്ന് രാവിലെ 10 മണി മുതല്‍ ഇറാന്റെ തുറമുഖങ്ങളിലേക്കും പുറത്തേക്കുമുള്ള ഷിപ്പിംഗ് ഗതാഗതം തടയുമെന്ന് യുഎസ് സൈന്യം അറിയിച്ചു. ഈ നീക്കം പ്രതിദിനം ഏകദേശം 2 ദശലക്ഷം ബാരല്‍ ഇറാനിയന്‍ എണ്ണ ലോക വിപണിയില്‍ പ്രവേശിക്കുന്നത് തടയുകയും ആഗോള വിതരണം കൂടുതല്‍ പ്രതിസന്ധിയിലാക്കുകയും ചെയ്യും. ട്രംപിന്റെ ഉത്തരവിന്റെ പല വശങ്ങളും വ്യക്തമല്ലെന്ന് ക്രെംലിന്‍ വക്താവ് ദിമിത്രി പെസ്‌കോവ് പറഞ്ഞു.