കോടിയേരിയുടെ സംസ്‌കാരം പയ്യാമ്പലത്ത്; തിങ്കളാഴ്ച തലശ്ശേരി, ധര്‍മ്മടം, കണ്ണൂര്‍ മണ്ഡലങ്ങളിലും മാഹിയിലും ഹര്‍ത്താല്‍

കോഴിക്കോട്: അന്തരിച്ച മുതിര്‍ന്ന സിപിഎം നേതാവ് കോടിയേരി ബാലകൃഷ്ണന്റെ സംസ്‌കാരച്ചടങ്ങുകള്‍ കണ്ണൂര്‍ പയ്യാമ്പലം ബീച്ചില്‍ നടക്കും. നാളെ ഉച്ച മുതല്‍ ടൗണ്‍ ഹാളില്‍ പൊതു ദര്‍ശനത്തിന് വയ്ക്കുന്ന മൃതദേഹം തിങ്കളാഴ്ച്ച 10 മണി വരെ കോടിയേരിയിലെ വീട്ടിലും തുടര്‍ന്ന് പാര്‍ട്ടി ജില്ലാകമ്മിറ്റി ഓഫിസിലും പൊതു ദര്‍ശനത്തിന് വയ്ക്കും. തുടര്‍ന്ന് വൈകീട്ട് മൂന്നിനായിരിക്കും പയ്യാമ്പലത്ത് സംസ്‌ക്കരിക്കുക. പരേതനോടുള്ള ആദരസൂചകമായി തിങ്കളാഴ്ച്ച തലശ്ശേരി, ധര്‍മ്മടം, കണ്ണൂര്‍ അസംബ്ലി മണ്ഡലങ്ങളിലും മാഹിയിലും ഹര്‍ത്താല്‍ ആചരിക്കും. ഹോട്ടലുകളെ ഹര്‍ത്താലില്‍നിന്ന് ഒഴിവാക്കിയിട്ടുണ്ട്.