Sub Lead

കര്‍ഷകരെ ഉണര്‍ത്തി, കേന്ദ്ര സര്‍ക്കാറിന് താക്കീതായി എസ്ഡിപിഐ ജില്ലാ സൈക്കിള്‍ പര്യടനം സമാപിച്ചു

കര്‍ഷകരെ ഉണര്‍ത്തി, കേന്ദ്ര സര്‍ക്കാറിന് താക്കീതായി എസ്ഡിപിഐ ജില്ലാ സൈക്കിള്‍ പര്യടനം സമാപിച്ചു
X

തൃക്കരിപ്പൂര്‍: മണ്ണിന്റെ മക്കളായ കര്‍ഷകരെ തകര്‍ക്കുന്ന കേന്ദ്ര സര്‍ക്കാറിനും ബിജെപിക്കും താക്കീതായി എസ്ഡിപിഐ ജില്ലാ സൈക്കിള്‍ പര്യടനം തൃക്കരിപ്പൂരില്‍ സമാപിച്ചു. സമരം ചെയ്യുന്ന കര്‍ഷകര്‍ക്ക് പിന്തുണ അറിയിച്ചും ലഘുലേഖയിലൂടെ കര്‍ഷകരെ പുതിയ കേന്ദ്ര സര്‍ക്കാര്‍ കൊണ്ടുവന്ന നിയമത്തെ ബോധ്യപ്പെടുത്തിയുമാണ് കഴിഞ്ഞ ദിവസം മഞ്ചേശ്വരത്ത് നിന്നാരംഭിച്ച സൈക്കിള്‍ പര്യടനം മണ്ഡലങ്ങളിലൂടെ പ്രയാണം നടത്തിയത്.


രാജ്യത്ത് ലക്ഷക്കണക്കിന് കര്‍ഷകര്‍ ആത്മഹത്യ ചെയ്യുമ്പോള്‍ അത് കാണാതെ കുത്തകകള്‍ക്കും അവരുടെ ദല്ലാളുമാര്‍ക്കും വേണ്ടിയാണ് കേന്ദ്ര സര്‍ക്കാര്‍ നിയമ നിര്‍മാണം നടത്തിയതെന്ന് സമാപന പരിപാടിയില്‍ ജാഥാ ക്യാപ്റ്റനും ജില്ലാ പ്രസിഡന്റുമായ എന്‍ യു അബ്ദുസ്സലാം പറഞ്ഞു. എസ്ഡിപിഐ ദേശീയ കാംപയിനായ 'ജാഗോ കിസാന്റെ' ഭാഗമായാണ് ജില്ലാ സൈക്കിള്‍ പര്യടനം നടത്തിയത്. ജില്ലാ ജനറല്‍ സെക്രട്ടറി ഖാദര്‍ അറഫ, മണ്ഡലം കമ്മിറ്റിയംഗം അഡ്വ. മുഹമ്മദ് റിയാസ് സംസാരിച്ചു. ജില്ലാ വൈസ് പ്രസിഡന്റ് ഇഖ്ബാല്‍ ഹൊസങ്കടി, ജില്ലാ ഖജാഞ്ചി സിദ്ദീഖ് പെര്‍ള, മണ്ഡലം പ്രസിഡന്റ് പി ലിയാഖത്തലി, മണ്ഡലം വൈസ് പ്രസിഡന്റ് മുഹമ്മദ് മാവിലാടം, സെക്രട്ടറി മൊയ്തു തൈക്കടപ്പും സംബന്ധിച്ചു.

Kisan Jago: SDPI district cycle tour concludes




Next Story

RELATED STORIES

Share it