സില്വര് ലൈന്: അനുമതി നല്കിയിട്ടില്ലെന്ന് കേന്ദ്രസര്ക്കാര്; ഹൈക്കോടതിയില് സത്യവാങ്മൂലം സമര്പ്പിച്ചു
കെ റെയില് കൈമാറിയ ഡിപിആര് അപൂര്ണമാണ്. പദ്ധതിയുടെ സാങ്കേതിക വിശദാംശങ്ങള് ഡിപിആറി രേഖപ്പെടുത്തിയിട്ടില്ലെന്നും സത്യവാങ്മൂലത്തില് പറയുന്നു. കൂടുതല് വിശദാംശങ്ങള് കൈമാറാന് ആവശ്യപ്പെട്ടിട്ടുണ്ടെന്നും കേന്ദ്ര സര്ക്കാര് ഹൈക്കോടതിയെ അറിയിച്ചു
കൊച്ചി: സില്വര്ലൈന് പദ്ധതിക്ക് അനുമതി നല്കിയിട്ടില്ലെന്ന് ആവര്ത്തിച്ച് കേന്ദ്രസര്ക്കാര് ഹൈക്കോടതിയില് സത്യവാങ്മൂലം സമര്പ്പിച്ചു.സില്വര്ലൈന് പദ്ധതിയുടെ ഭാഗമായുള്ള സര്വ്വേയ്ക്ക് എതിരായ വിവിധ ഹരജികളില് ആണ് കേന്ദ്രം ഹൈക്കോടതിയില് മറുപടി നല്കിയത്. പദ്ധതിയുടെ പ്രാരംഭ പ്രവര്ത്തനങ്ങള്ക്ക് മാത്രമാണ് കേന്ദ്രം തത്വത്തിലുള്ള അനുമതി നല്കിയത്. കെ റെയില് കൈമാറിയ ഡിപിആര് അപൂര്ണമാണ്. പദ്ധതിയുടെ സാങ്കേതിക വിശദാംശങ്ങള് ഡിപിആറി രേഖപ്പെടുത്തിയിട്ടില്ലെന്നും സത്യവാങ്മൂലത്തില് പറയുന്നു.
കൂടുതല് വിശദാംശങ്ങള് കൈമാറാന് ആവശ്യപ്പെട്ടിട്ടുണ്ടെന്നും കേന്ദ്ര സര്ക്കാര് ഹൈക്കോടതിയെ അറിയിച്ചു.സര്വേയുടെ പേരില് കുറ്റികള് സ്ഥാപിക്കണമെന്ന് സര്ക്കാരിനോട് ആവശ്യപ്പെട്ടിട്ടില്ലെന്നും കേന്ദ്രം വ്യക്തമാക്കി. കേന്ദ്ര ധനമന്ത്രാലയം സില്വര്ലൈന് പദ്ധതിക്ക് സാമ്പത്തിക അനുമതി നല്കിയിട്ടില്ലെന്നും കോടതിയെ അറിയിച്ചു.
അലൈന്മെന്റ് പ്ലാന് ഭൂമിയേറ്റെടുക്കുന്ന ഭാഗത്തുള്ള റെയില്വേ ഭൂമി, സ്വകാര്യ വ്യക്തികളുടെ ഭൂമി, നിലവിലുള്ള റെയില്വെ ലൈനുകള്ക്ക് മുകളിലൂടെയുള്ള ക്രോസിങ് എന്നിവ സംബന്ധിച്ചു വിശദാംശങ്ങള് നല്കണമെന്നു സംസ്ഥാനത്തോട് ആവശ്യപ്പെട്ടിട്ടുണ്ടെന്നും സത്യവാങ്മൂലത്തില് പറയുന്നു. ധനകാര്യമന്ത്രാലയവും സാമ്പത്തിക പരമായ യാതൊരുവിധ അംഗീകാരവും നല്കിയിട്ടില്ലെന്നും കേന്ദ്ര സര്ക്കാര് വ്യക്തമാക്കി.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT