'ഹിന്ദു ഉണര്‍ന്നാല്‍ മുസ് ലിംകളുടെ താടി പിഴുതുമാറ്റി കുടുമ വയ്പ്പിക്കും'; വിദ്വേഷ പ്രസംഗവുമായി ബിജെപി എംഎല്‍എ (വീഡിയോ)

ലഖ്‌നൗ: മുസ് ലിംകള്‍ക്കെതിരേ കടുത്ത വിദ്വേഷ പ്രസംഗവുമായി ഉത്തര്‍പ്രദേശിലെ അമേഠിയില്‍ നിന്നുള്ള ബിജെപി എംഎല്‍എ മായങ്കേശ്വര്‍ സിങ്ങ്. ഹിന്ദുക്കള്‍ ഉണര്‍ന്നാല്‍ മുസ് ലിംകളുടെ താടി പിഴുതുമാറ്റി കുടുമ വയ്പ്പിക്കുമെന്ന് ബിജെപി എംഎല്‍എ പ്രസംഗിച്ചു. മുസ് ലിംകള്‍ക്കെതിരായ ബിജെപി എംഎല്‍എയുടെ പ്രസംഗം 'ജയ് ശ്രീരാം' വിളിച്ചാണ് അണികള്‍ സ്വാഗതം ചെയ്തത്.

"If Hindus wake up, we will puII your beards and make a chotia (Hindu symbol). If you [MusIims] want to live in India, you'll have to say Radhe Radhe [Hindu religious chant] or else go to Pakistan."

Hate speech by Mayankeshwar Singh, BJP MLA from Amethi.pic.twitter.com/6x3JTaBVq8

— Alishan Jafri (@alishan_jafri) February 17, 2022

മുസ് ലിംകള്‍ക്ക് ഇന്ത്യയില്‍ ജീവിക്കണമെങ്കില്‍ ഹിന്ദു മന്ത്രമായ 'രാധേ രാധേ' പാരായണം ചെയ്യേണ്ടി വരുമെന്ന് ബിജെപി എംഎല്‍എ പറഞ്ഞു. ബിജെപി എംഎല്‍എയുടെ വിദ്വേഷ പ്രസംഗം സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ഹിന്ദുത്വ സന്യാസിമാരുടെ സമ്മേളനത്തിലെ വംശഹത്യാ ആഹ്വാനവും കര്‍ണാടകയിലെ ഹിജാബ് നിരോധനവും വിവാദമായിരിക്കുന്ന സാഹചര്യത്തിലാണ് ബിജെപി എംഎല്‍എയുടെ പ്രസംഗം.