ഇബാഹിംകുഞ്ഞിന്റെ അറസ്റ്റ്: രാഷ്ട്രീയ വേട്ട, നേരിടാനൊരുങ്ങി ലീഗ്

മലപ്പുറം: യുഡിഎഫ് എംഎല്‍എമാരെ ലക്ഷ്യമിട്ടുകൊണ്ടുള്ള സര്‍ക്കാര്‍ നീക്കത്തിന്റെ ഭാഗമായാണ് മുന്‍ മന്ത്രി ഇബാഹിംകുഞ്ഞിനെ അറസ്റ്റ് ചെയ്തതെന്ന് മുസ് ലിം ലീഗ് അടിയന്തിര യോഗം കുറ്റപ്പെടുത്തി. എകെജി സെന്ററില്‍നിന്ന് കൊടുക്കുന്ന പട്ടികയനുസരിച്ചാണ് ഈ വേട്ട.

അറസ്റ്റിന് സാഹചര്യമില്ലെന്നു പറഞ്ഞ അതേ ഏജന്‍സിയെ ഉപയോഗിച്ചാണ് അറസ്റ്റ് നടത്തുന്ന്. സിപിഎമ്മും സര്‍ക്കാരും ചേര്‍ന്നു നടത്തുന്ന ഗൂഢാലോചനയുടെ ഫലമാണിത്. അറസ്റ്റിനെ മുസ്ലിംലീഗ് പാര്‍ട്ടിയും യുഡിഎഫും രാഷ്ട്രീയമായും നിയമപരമായും നേരിടുമെന്നും യോഗം വ്യക്തമാക്കി.

ഇടത് സര്‍ക്കാരിന്റെ ഈ പ്രതികാര രാഷ്ട്രീയത്തെ നാം ശക്തമായി നേരിടുമെന്നും ലീഗ് സംസ്ഥാന ജനറല്‍ സെക്രട്ടറി കെപിഎ മജീദ് വ്യക്തമാക്കി.