ഇസ്രായേലിനെ ലക്ഷ്യമിട്ട് ആക്രമണ പരമ്പരയെന്ന് ഹിസ്ബുല്ല

ഇസ്രായേലിനെയും ലബ്‌നനെയും ലക്ഷ്യമിട്ടുള്ള ആക്രമണങ്ങളുടെ പരമ്പരയാണ് കഴിഞ്ഞ ദിവസം അരങ്ങേറിയതെന്ന് ഹിസ്ബുല്ല അവകാശപ്പെട്ടു. ഇസ്രായേലിലും ലബ്‌നാനിലെ ഇസ്രായേല്‍ സൈനികര്‍ക്കെതിരേയും ആക്രമണം അഴിച്ചുവിട്ടു. ലബ്‌നന്‍ അതിര്‍ത്തിക്കടുത്തുള്ള ഇസ്രായേലി പട്ടണമായ കിര്യത്ത് ഷ്‌മോണയില്‍ റോക്കറ്റ് ആക്രമണം നടത്തി. വടക്കന്‍ ഇസ്രായേലിലെ മെതുല പട്ടണത്തില്‍ രണ്ട് ആക്രമണങ്ങള്‍ നടത്തി. ഇസ്രായേല്‍ നഗരമായ സഫേദിനടുത്തുള്ള ഐന്‍ സെയ്റ്റിം താവളത്തില്‍ മിസൈല്‍ ആക്രമണം, ലെബനന്റെ അതിര്‍ത്തി ഗ്രാമമായ ഒഡൈസെയില്‍ രണ്ടുതവണ ഇസ്രായേല്‍ സൈനികരെ ലക്ഷ്യമാക്കിയുള്ള ആക്രമണം, ലെബനന്‍ അതിര്‍ത്തി പട്ടണമായ ബ്ലിഡയില്‍ ഇസ്രായേല്‍ സൈനികര്‍ക്ക് നേരെ ആക്രമണം, ലെബനനിലെ ഖിയാം പട്ടണത്തിലെ ഒരു തടങ്കല്‍ കേന്ദ്രത്തിന് സമീപമുള്ള ഇസ്രായേല്‍ സൈനികരെ ലക്ഷ്യമാക്കിയുള്ള ആക്രമണം തുടങ്ങി കഴിഞ്ഞ 24 മണിക്കൂറിനിടെ ആക്രമണങ്ങളുടെ പരമ്പരയായിരുന്നെന്ന് ഹിസ്ബുല്ല അവകാശപ്പെട്ടു.