മഴശക്തം, അഞ്ച് ജില്ലകളില് റെഡ് അലര്ട്ട്; ഉരുൾപൊട്ടലും മണ്ണിടിച്ചിലും വ്യാപകം
പൂഞ്ഞാര്, മുണ്ടക്കയം, ഇളങ്കാട് തുടങ്ങിയ പ്രദേശങ്ങളിലാണ് ശക്തമായി മഴ പെയ്യുന്നത്. പൂഞ്ഞാര് തെക്കേക്കരയില് മാത്രം കഴിഞ്ഞ ഒരു മണിക്കൂറിനിടെ 75 മി.മീറ്ററിന് മുകളില് മഴ പെയുതവെന്നാണ് പറയുന്നത്.
തിരുവനന്തപുരം: സംസ്ഥാനത്തിന്റെ തെക്കന് ജില്ലകളിലും മധ്യകേരളത്തിലും ശക്തമായ മഴ. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളില് പല സ്ഥലങ്ങളിലും തോടുകള് കരകവിഞ്ഞു. പൂഞ്ഞാര് തെക്കേക്കരയില് റെക്കോഡ് മഴയാണ് ഒറ്റമണിക്കൂറിനുള്ളില് പെയ്തത്. ഇവിടെ പല റോഡുകളും വെള്ളത്തിലായി. പെരിങ്ങുളം - അടിവാരം മേഖലയില് വെള്ളം കയറി. കാഞ്ഞിരപ്പള്ളി 26-ാം മൈലില് വെള്ളം കയറിയതിനാല് എരുമേലി- മുണ്ടക്കയം ഭാഗത്തേക്ക് യാത്ര നിരോധിച്ചു.
കോട്ടയം ജില്ലയുടെ കിഴക്കന് മേഖലയില് മഴ ശക്തമായി തുടരുകയാണ്. പൂഞ്ഞാര്, മുണ്ടക്കയം, ഇളങ്കാട് തുടങ്ങിയ പ്രദേശങ്ങളിലാണ് ശക്തമായി മഴ പെയ്യുന്നത്. പൂഞ്ഞാര് തെക്കേക്കരയില് മാത്രം കഴിഞ്ഞ ഒരു മണിക്കൂറിനിടെ 75 മി.മീറ്ററിന് മുകളില് മഴ പെയുതവെന്നാണ് പറയുന്നത്. കാഞ്ഞിരപ്പള്ളി-ഈരാറ്റുപേട്ട റോഡില് വെളളം കയറി. കൈത്തോടുകള് കരകവിഞ്ഞൊഴുകുകയാണ്. മുണ്ടക്കയം ക്രോസ് വേയില് വെള്ളം കയറി ഗതാഗതം തടസ്സപ്പെട്ടു. മേഖലയില് നിരവധി വീടുകള് വെള്ളത്തിനടിയിലായിട്ടുണ്ട്.
പത്തനംതിട്ടയില് കഴിഞ്ഞ മൂന്ന് മണിക്കൂറില് കനത്ത മഴയാണ് പെയ്തത്. 70 മി.മീറ്റര് മഴ ജില്ലയില് ലഭിച്ചു. നിലവില് മഴക്ക് കുറവുണ്ട്. പമ്പയിലും അച്ചന്കോവിലിലും മണിമലയിലിലും ജലനിരപ്പ് ഉയര്ന്നിട്ടുണ്ട്. അച്ചന്കോവില് ആറ്റിലാണ് ഏറ്റവും കൂടുതല് ജലനിരപ്പുള്ളത്. മലയാലപ്പുഴ മുസല്യാർ കോളജിന് സമീപം വലിയ ഉരുൾപൊട്ടൽ ഉണ്ടായതിനെ തുടർന്ന് വ്യാപക കൃഷിനാശമുണ്ടായി. കുമ്പഴയിലെ താഴ്ന്ന പ്രദേശങ്ങൾ പൂർണമായും വെള്ളത്തിലായി കഴിഞ്ഞു. കുമ്പഴ മലയാലപ്പുഴ റോഡിലേയ്ക്ക് വെള്ളം കയറി. റാന്നിയിൽ ജലനിരപ്പ് ഉയർന്നു. വലിയതോട് കവിഞ്ഞ് റാന്നി ഇട്ടിയപ്പാറ ബസ് സ്റ്റാൻഡിന് സമീപത്തേയ്ക്ക് വെള്ളം കയറുകയാണ്.
കേരളത്തിലെ ഏറ്റവും വലിയ രണ്ടാമത്തെ ജല വൈദ്യുതി പദ്ധതിയായ ശബരിഗിരിയുമായി ബന്ധപ്പെട്ട കക്കി, ആനത്തോട് ഡാമുകളിൽ ജലനിരപ്പ് ക്രമാതീതമായി ഉയർന്നു. പമ്പാ ത്രിവേണിയിൽ ജലനിരപ്പ് ഉയരുന്നത് ആശങ്ക വർധിപ്പിക്കുന്നു. മഴ കൂടുതൽ ശക്തമായാൽ എല്ലാ ഡാമുകളും തുറക്കാനാണ് ആലോചിക്കുന്നത്.
കൊല്ലത്തിന്റെ മലയോര മേഖലകളില് വെള്ളിയാഴ്ച രാത്രി മുതല് മഴ തുടരുന്നുണ്ട്. നഗരത്തിലും രാവിലെ ശക്തമായ മഴയുണ്ടായിരുന്നു. കൊല്ലം-തിരുമംഗലം ദേശീയപാതയില് മരം കടപുഴകിയതിനെ തുടര്ന്ന് ഗതാഗതം തടസ്സപ്പെട്ടു. നിലവില് ഗതാഗതം പുനസ്ഥാപിച്ചിട്ടുണ്ട്. ഇന്നും നാളെയും മഴ ശക്തമായി തന്നെ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT