പെരിന്തല്‍മണ്ണയില്‍ വനിതാ ഡോക്ടര്‍ക്ക് നേരെ ആക്രമണം

മലപ്പുറം: പെരിന്തല്‍മണ്ണയില്‍ വനിതാ ഡോക്ടര്‍ക്ക് നേരെ ആക്രമണം. പെരിന്തല്‍മണ്ണ ജില്ലാ ആശുപത്രിയിലെ ഗൈനക്കോളജിസ്റ്റ് ഡോ. സിനി ജലീലിനെയാണ് പരിശോധനാ മുറിയില്‍ വച്ച് നാലു സ്ത്രീകള്‍ ചേര്‍ന്ന് മര്‍ദ്ദിച്ചത്. ചികില്‍സാപിഴവ് ആരോപിച്ചായിരുന്നു മര്‍ദ്ദനം. പരിക്കേറ്റ ഡോക്ടറെ സ്വകാര്യ ആശുപത്രിയില്‍ പ്രവേശിപ്പിച്ചു. ആക്രമണത്തില്‍ കൂടെയുണ്ടായിരുന്ന അജിത, അശ്വതി എന്നിവര്‍ക്കും പരിക്കേറ്റിട്ടുണ്ട്.

നേരത്തെ ജില്ലാ ആശുപത്രിയില്‍ പ്രസവത്തിനായി എത്തിയ യുവതി ഗുരുതരാവസ്ഥയില്‍ ആയതിനെ തുടര്‍ന്ന് സ്വകാര്യ ആശുപത്രിയിലേക്ക് മാറ്റുകയും മരണപ്പെടുകയും ചെയ്തിരുന്നു. ചികില്‍സാപിഴവ് മൂലമാണ് മരണം സംഭവിച്ചതെന്ന് ആരോപിച്ചാണ് ഡോക്ടര്‍ക്ക് നേരെ ആക്രമണം ഉണ്ടായതെന്നാണ് പ്രാഥമിക വിവരം.

സംഭവത്തില്‍ പ്രതിഷേധവുമായി ഐഎംഎ രംഗത്തെത്തി. ഐഎംഎ പെരിന്തല്‍മണ്ണ ഘടകം അനിശ്ചിതകാല സമരം പ്രഖ്യാപിച്ചു. കുറ്റക്കാരെ ഉടനടി അറസ്റ്റ് ചെയ്യണമെന്ന് ഡോക്ടര്‍മാരുടെ സംഘടന ആവശ്യപ്പെട്ടു. സംഭവതത്ില്‍ പോലിസ് അന്വേഷണം ആരംഭിച്ചു.