മുസ്‌ലിംകള്‍ക്കെതിരേ വിദ്വേഷ പോസ്റ്റ്: ബിജെപി പ്രവര്‍ത്തകന്‍ അറസ്റ്റില്‍

പത്തനംതിട്ട: മുഹമ്മദ് നബിയെ നിന്ദിച്ചും മുസ്‌ലിംകള്‍ക്ക് എതിരെ വിദ്വേഷ പ്രചരണം നടത്തിയും സമൂഹ മാധ്യമങ്ങളില്‍ പോസ്റ്റിട്ട കേസില്‍ പത്തനംതിട്ടയില്‍ ആര്‍എസ്എസ്സ് പ്രവര്‍ത്തകര്‍ അറസ്റ്റില്‍. പത്തനംതിട്ട മല്ലപ്പള്ളി കീഴ് വായ്പൂര്‍ സ്വദേശി വാസുദേവന്‍ പിള്ളയാണ് അറസ്റ്റിലായത്. മുസ്‌ലിം സമുദായത്തെ അധിക്ഷേപിച്ച് ഇയാള്‍ ഫേസ്ബുക്കില്‍ പോസ്റ്റിട്ടിരുന്നു.

ഈ മാസം 22, 23 തിയതികളിലാണ് മതസ്പര്‍ദയുണ്ടാക്കുന്ന പോസ്റ്റുകള്‍ ഇയാള്‍ ഇട്ടത്. ഐപിസി 153 എ വകുപ്പ് പ്രഹാരം കലാപാഹ്വാനത്തിനാണ് കേസ് ചുമത്തിയത്. പോപുലര്‍ ഫ്രണ്ട് നേതാവ് അല്‍ത്താഫ് നല്‍കിയ പരാതിയിലാണ് നടപടി. ഇന്ന് രാവിലെ കോടതിയിലേക്ക് വിളിച്ചു വരുത്തി ചോദ്യം ചെയ്ത ശേഷം പോലിസ് ഇയാളെ അറസ്റ്റ് ചെയ്യുകയായിരുന്നു. ആലപ്പുഴയിലെ പോപുലര്‍ ഫ്രണ്ട് സമ്മേളനവുമായി ബന്ധപ്പെട്ട് മുസ്‌ലിം സമുദായത്തെ മുഴുവന്‍ അധിക്ഷേപിക്കുന്ന പോസ്റ്റുകള്‍ ഇയാള്‍ ഇട്ടിരുന്നു.