ഇന്ധനം, കെട്ടിട നികുതി, വാഹനം, മദ്യം, ഭൂമിയുടെ ന്യായവില, വൈദ്യുതി നിരക്കുകള് വര്ധിക്കും
തിരുവനന്തപുരം: പെട്രോളിനും ഡീസലിനും മദ്യത്തിനും സാമൂഹിക സുരക്ഷാ സെസ് ഏര്പ്പെടുത്തിയും വിവിധ നികുതികള് കൂട്ടിയതുള്പ്പെടെ ജനങ്ങളുടെ ജീവിതഭാരം വര്ധിപ്പിക്കുന്ന പ്രഖ്യാപനങ്ങളാണ് ധനമന്ത്രി സംസ്ഥാന ബജറ്റില് നടത്തിയത്. ഇന്ധനത്തിന് രണ്ട് രൂപയാണ് അധിക സെസ് ഏര്പ്പെടുത്തിയത്. ഭൂമിയുടെ ന്യായവില 20 ശതമാനം കൂട്ടി. വിപണിമൂല്യവും ന്യായവിലയും തമ്മിലുള്ള അന്തരം നികത്താനാണ് വില വര്ധിപ്പിക്കാനുള്ള തീരുമാനം.
വൈദ്യുതി തീരുവ അഞ്ച് ശതമാനം കൂട്ടി. ഫഌറ്റുകള്ക്കും അപ്പാര്ട്ട്മെന്റുകള്ക്കും മുദ്രവില രണ്ട് ശതമാനം കൂട്ടി. കെട്ടിട നികുതി വര്ധിപ്പിക്കുമെന്നും ധനമന്ത്രി അറിയിച്ചു. കെട്ടിട നികുതിക്കൊപ്പം അപേക്ഷാഫീസ്, പരിശോധന ഫീസ്, പെര്മിറ്റ് ഫീസ് എന്നിവയും പരിഷ്കരിക്കും. 500 രൂപ മുതല് വിലയുള്ള മദ്യങ്ങള്ക്ക് സാമൂഹിക സുരക്ഷ സെസ് ഏര്പ്പെടുത്തും. 500 മുതല് 999 രൂപ വരെ വിലയുള്ള ഇന്ത്യന് നിര്മിത വിദേശമദ്യത്തിന് ഒരു ബോട്ടിലിന് 20 രൂപ നിരക്കിലും 1000 രൂപയ്ക്ക് മുകളിലുള്ള മദ്യത്തിന് ബോട്ടിലിന് 40 രൂപ നിരക്കിലുമാണ് സെസ് ഈടാക്കുക.
ഇരുചക്ര വാഹനങ്ങള് ഉള്പ്പെടെയുള്ള ഫോസില് ഫ്യുവല് വാഹനങ്ങളുടെ നികുതി വര്ധിപ്പിച്ചും ഇലക്ട്രിക് വാഹനങ്ങളുടെ നികുതി കുറയ്ക്കുമെന്നും ബജറ്റില് ധനമന്ത്രി പ്രഖ്യാപിച്ചു. പുതുതായി വാങ്ങുന്ന രണ്ട് ലക്ഷം രൂപ വരെ വിലയുള്ള മോട്ടോര് സൈക്കിളുകളുടെ നികുതി രണ്ട് ശതമാനം വര്ധിപ്പിക്കും. പുതുതായി വാങ്ങുന്ന കാറുകളുടെയും സ്വകാര്യ ആവശ്യത്തിനായി വാങ്ങുന്ന മറ്റ് വാഹനങ്ങളുടെയും നികുതിയിലും വര്ധനവ് വരുത്തിയിട്ടുണ്ട്.
അഞ്ച് ലക്ഷം രൂപ വരെ വിലയുള്ള കാറുകളുടെ നികുതിയില് ഒരു ശതമാനവും അഞ്ച് ലക്ഷം രൂപ മുതല് 15 ലക്ഷം രൂപ വരെ വിലയുള്ളവയുടെ നികുതിയില് രണ്ട് ശതമാനവും 15 ലക്ഷം മുതല് 30 ലക്ഷം രൂപ വരെ വിലയുള്ളവയ്ക്ക് ഒരു ശതമാനവും നികുതി വര്ധിക്കും. വാഹനങ്ങളുടെ രജിസ്ട്രേഷന് സമയത്ത് ഈടാക്കുന്ന സെസില് ഇരട്ടി വര്ധനവ് ഏര്പ്പെടുത്തി. ഇരുചക്ര വാഹനങ്ങള്ക്ക് ഇപ്പോള് 50 രൂപയാണ് സെസ് ഇത് 100 രൂപയായി ഉയര്ത്തി. ലൈറ്റ് മോട്ടോര് വാഹനങ്ങള്ക്ക് 100 രൂപയില് നിന്ന് 200 രൂപയായും മീഡിയോ മോട്ടോര് വാഹനങ്ങള്ക്ക് 150 രൂപയില് നിന്ന് 300 രൂപയായും ഹെവി വാഹനങ്ങള്ക്ക് 250 രൂപയില് നിന്ന് 500 രൂപയായും വര്ധിപ്പിച്ചു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT