ട്വിറ്ററിന്റെ കിളി 'പാറി'; ലോഗോ ഇനി 'X'
![ട്വിറ്ററിന്റെ കിളി പാറി; ലോഗോ ഇനി X ട്വിറ്ററിന്റെ കിളി പാറി; ലോഗോ ഇനി X](https://www.thejasnews.com/h-upload/2023/07/24/214190-x.webp)
പ്രമുഖ സാമൂഹിക മാധ്യമമായ ട്വിറ്റര് വിവിധ മാറ്റങ്ങളോടെ റീബ്രാന്ഡ് ചെയ്തു. ലോഗോയിലെ കിളിക്കു പകരം ഇനി 'X' എന്ന ചിഹ്നമായിരിക്കും. ഞായറാഴ്ചയാണ് ട്വിറ്റര് റീബ്രാന്റ് ചെയ്യുന്നതായി ഇലോണ് മസ്ക് പ്രഖ്യാപിച്ചത്. ഇതിനു പിന്നാലെയാണ് ലോഗോയില് നിന് കിളിയെ മാറ്റിയത്. ലോഗിന് പേജിലും ഹോം പേജില് ഇടത് വശത്ത് മുകളിലായും ഉണ്ടായിരുന്ന പക്ഷിയുടെ ലോഗോയ്ക്കു പകരം 'X' എന്നാക്കിയിട്ടുണ്ട്. വെബ്സൈറ്റ് തുറക്കുമ്പോഴും ത എന്ന ലോഗോ കാണിക്കുന്നുണ്ട്. നേരത്തേ ആകാശനീലയായിരുന്ന നിറം ഇപ്പോള് കറുപ്പാക്കിയിട്ടുണ്ട്.
ട്വിറ്ററിന്റെ ഔദ്യോഗിക പേജായിരുന്ന @twitter ന്റെ പേര് മാറ്റി X എന്നാക്കി. പ്രൊഫൈല് ചിത്രവും പുതിയ ലോഗോ ആക്കി മാറ്റിയിട്ടുണ്ട്. ഇതോടെ കമ്പനിക്ക് കീഴിലുള്ള ഔദ്യോഗിക വെരിഫൈഡ് അക്കൗണ്ടുകള്ക്കൊപ്പമുള്ള കമ്പനി ബാഡ്ജും പുതിയ ലോഗോ ആയി മാറി. മസ്കിന്റേയും സിഇഒ ലിന്ഡ യക്കരിനോയുടെയും ഔദ്യോഗിക അക്കൗണ്ടില് ഇപ്പോള് ഈ ലോഗോ ആണുള്ളത്.
X.com എന്ന ഡൊമൈനിലേക്ക് ഇനി ഈ പ്ലാറ്റ്ഫോം മാറും. നിലവില് x.com എന്ന് സെര്ച്ച് ചെയ്താല് നേരെ ട്വിറ്റര് വെബ്സൈറ്റിലേക്കാണ് പോവുന്നത്. എക്സ് എവരിതിങ് ആപ്പ് എന്ന പേരില് ട്വിറ്ററിനെ പരിവര്ത്തനം ചെയ്യുമെന്ന് കഴിഞ്ഞ വര്ഷം ഇലോണ് മസ്ക് പ്രഖ്യാപിച്ചിരുന്നു. ട്വിറ്റര് ഏറ്റെടുത്തിന് ശേഷം രജിസ്റ്റര് ചെയ്ത പുതിയ കമ്പനിയുടെ പേര് X corp എന്നായിരുന്നു. എഐ പിന്തുണയില് പ്രവര്ത്തിക്കുന്ന ഓഡിയോ, വീഡിയോ മെസേജിങ്, പണമിടപാട്, ബാങ്കിങ് എന്നീ സൗകര്യങ്ങളും വിവിധ ആശയങ്ങള്, സാധനങ്ങള്, സേവനങ്ങള്, അവസരങ്ങള് എന്നിവയ്ക്കുള്ള ഒരു ആഗോള വിപണിയായുമാണ് കമ്പനി പുതിയ പ്ലാറ്റ്ഫോമിനെ ആവിഷ്കരിച്ചിരിക്കുന്നത്.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT