വാഹനാപകടത്തില്‍ പരിക്കേറ്റ് ചികിത്സയിലിരുന്ന ഡിവൈഎഫ്‌ഐ നേതാവ് മരണപ്പെട്ടു

തൃശൂര്‍: വാഹനാപകടത്തില്‍ പരിക്കേറ്റ് ചികില്‍സയിലായിരുന്ന ഡിവൈഎഫ്‌ഐ വനിതാ നേതാവ് മരണപ്പെട്ടു. ഡിവൈഎഫ്‌ഐ കുന്നംകുളം ബ്ലോക്ക് വൈസ് പ്രസിഡന്റ് ആയിരുന്ന കുന്നംകുളം അകതിയൂര്‍ സ്വദേശി തറമേല്‍ വീട്ടില്‍ അനുഷ(23) ആണ് മരിച്ചത്. മലപ്പുറം എംസിടി കോളജിലെ നിയമ ബിരുദ വിദ്യാര്‍ത്ഥിനിയാണ്. ഇക്കഴിഞ്ഞ 14ന് കോളജിന് സമീപം ഇരുചക്രവാഹനം നിയന്ത്രണംവിട്ട് തലയ്ക്ക് പരിക്കേറ്റ് പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് മരണപ്പെട്ടത്. ഗ്രന്ഥശാലാ സംഘം കുന്നംകുളം താലൂക്ക് വൈസ് പ്രസിഡന്റാണ്. മാതാവ്: ഷൈലജ. സഹോദരന്‍: അക്ഷയ്. മൃതദേഹം പോസ്റ്റ്‌മോര്‍ട്ടത്തിന് ശേഷം നാളെ അകതിയൂരിലെത്തിക്കുമെന്ന് ബന്ധുക്കള്‍ അറിയിച്ചു.