മുഖ്യമന്ത്രിക്കെതിരേ ധര്‍മ്മടത്ത് മല്‍സരിക്കല്‍: ഒരു മണിക്കൂറില്‍ തീരുമാനമെന്ന് കെ സുധാകരന്‍

കണ്ണൂര്‍: നിയമസഭാ തിരഞ്ഞെടുപ്പില്‍ മുഖ്യമന്ത്രി പിണറായി വിജയനെതിരേ ധര്‍മ്മടത്ത് മല്‍സരിക്കുന്നത് സംബന്ധിച്ച് ഒരു മണിക്കൂറിനുള്ളില്‍ തീരുമാനമെടുക്കുമെന്ന് കെ സുധാകരന്‍ എംപി. കെപിസിസി ആവശ്യപ്പെട്ടതിനു പിന്നാലെയാണ് സുധാകരന്റെ ആവശ്യം. പ്രവര്‍ത്തകരോടും മറ്റും ചര്‍ച്ച നടത്തിയ ശേഷം നേതൃത്വത്തെ തീരുമാനം അറിയിക്കുമെന്ന് സുധാകരന്‍ പറഞ്ഞു. ധര്‍മ്മടത്ത് കെ സുധാകരന്‍ മല്‍സരിച്ചേക്കുമെന്ന് കഴിഞ്ഞ ദിവസങ്ങളില്‍ അഭ്യൂഹമുയര്‍ന്നിരുന്നു. എന്നാല്‍, ഇക്കാര്യം ആലോചിച്ചിട്ടെല്ല് ആവര്‍ത്തിച്ച സുധാകരന്‍ ഇത്തരം വാര്‍ത്തകള്‍ അടിസ്ഥാന രഹിതമാണെന്നായിരുന്നു ഇന്നലെ പ്രതികരിച്ചത്.

അതേസമയം, ധര്‍മടത്ത് മുഖ്യമന്ത്രി പിണറായി വിജയനെതിരെ കെ സുധാകരന്‍ മല്‍സരിക്കണമെന്നാണ് പാര്‍ട്ടിയുടെ ആഗ്രഹമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. ധര്‍മടത്ത് മല്‍സരിക്കുന്നതിനായി സുധാകരന്റെ സമ്മതത്തിനായി കാത്തിരിക്കുകയാണെന്നും മുല്ലപ്പള്ളി പറഞ്ഞു.