ഹര്ത്താല്: അക്രമികളെ അറസ്റ്റ് ചെയ്യാന് ഡിജിപിയുടെ നിര്ദേശം
പൊതുമുതല് നശിപ്പിക്കുന്നവരില് നിന്ന് നഷ്ടം ഈടാക്കും. കടകള് തുറന്നാല് ആവശ്യമായ സംരക്ഷണം നല്കും.
തിരുവനന്തപുരം: സംഘപരിവാര് സംഘടനകള് നാളെ ഹര്ത്താല് പ്രഖ്യാപിച്ച പശ്ചാത്തലത്തില് കര്ശന നടപടികളുമായി പോലിസ്. അക്രമത്തിന് മുതിരുന്നവരെ ഉടനടി അറസ്റ്റ് ചെയ്യാന് ഡിജിപി ലോക്നാഥ് ബെഹ്റ നിര്ദ്ദേശം നല്കി. പൊതുമുതല് നശിപ്പിക്കുന്നവരില് നിന്ന് നഷ്ടം ഈടാക്കാനും എല്ലാ ജില്ലാ പോലിസ് മേധാവിമാര്ക്കും ഡിജിപി നിര്ദ്ദേശം നല്കി. സാമാന്യ ജനജീവിതം ഉറപ്പ് വരുത്തുന്നതിന് ആവശ്യമായ എല്ലാ നടപടികളും സ്വീകരിക്കണം. ഏതെങ്കിലും വിധത്തിലുളള അക്രമത്തില് ഏര്പ്പെടുകയോ സഞ്ചാര സ്വാതന്ത്ര്യം തടയുകയോ ചെയ്യുന്ന ഹര്ത്താല് അനുകൂലികള്ക്കെതിരെ കര്ശന നടപടി സ്വീകരിക്കുമെന്നും അദ്ദേഹം വ്യക്തമാക്കി. പൊതുമുതല് നശിപ്പിക്കുന്നവരുടെ കൈയ്യില് നിന്ന് നഷ്ടത്തിന് തുല്യമായ തുക ഈടാക്കാന് നിയമ നടപടി സ്വീകരിക്കും. ഇവരുടെ ബാങ്ക് അക്കൗണ്ടുകളില് നിന്നോ, സ്വത്തു വകകളില് നിന്നോ നഷ്ടം ഈടാക്കും.
അക്രമത്തിന് മുതിരുകയോ കടകളും സ്ഥാപനങ്ങളും അടപ്പിക്കാന് ശ്രമിക്കുകയോ ചെയ്യുന്നവരെ ഉടനടി അറസ്റ്റ് ചെയ്യുമെന്നും ഡിജിപി വ്യക്തമാക്കി. കടകള് തുറന്നാല് അവയ്ക്ക് ആവശ്യമായ സംരക്ഷണം നല്കും. അക്രമത്തിന് മുതിരുന്നവര്ക്കെതിരെ കേസ്സ് രജിസ്റ്റര് ചെയ്ത് നടപടി സ്വീകരിക്കണം. വ്യക്തികള്ക്കും വസ്തുവകകള്ക്കും എതിരെയുളള അക്രമങ്ങള് കര്ശനമായി തടയണം. എല്ലാ വിധത്തിലുമുളള അനിഷ്ട സംഭവങ്ങള് തടയുന്നതിന് ആവശ്യമായ സുരക്ഷ എര്പ്പെടുത്തണം.
സര്ക്കാര് ഓഫീസുകള്, കെഎസ്ഇബി, മറ്റ് ഓഫീസുകള് എന്നിവയ്ക്ക് ആവശ്യമായ സുരക്ഷ ഏര്പ്പെടുത്തണം. കെഎസ്അര്ടിസി ബസുകള്, സ്വകാര്യ ബസുകള് എന്നിവ തടസ്സം കൂടാതെ സര്വ്വീസ് നടത്തുന്നതിന് സൗകര്യം ഒരുക്കണം. കോടതികളുടെ പ്രവര്ത്തനം സുഗമമായി നടത്തുന്നതിന് പ്രത്യേക നടപടികള് സ്വീകരിക്കണം. ആവശ്യമായ സ്ഥലങ്ങളില് പോലിസ് പിക്കറ്റും പട്രോളിംഗും ഏര്പ്പെടുത്തണം. എല്ലാ രാഷ്ട്രീയ പാര്ട്ടികളുടെയും ഓഫീസിന് മതിയായ സംരക്ഷണം ഒരുക്കണം. ശബരിമല തീര്ഥാടകര്ക്ക് ബുദ്ധിമുട്ടുകള് ഉണ്ടാകാതിരിക്കാന് പ്രത്യേകം ശ്രദ്ധിക്കണം. ഹര്ത്താലുകള് നിര്ബന്ധിത ഹര്ത്താലായി മാറാതിരിക്കുന്നതിന് ആവശ്യമായ നടപടികള് സ്വീകരിക്കണമെന്ന പലപ്പോഴായുളള ഹൈക്കോടതി ഉത്തരവുകള് നടപ്പാക്കുന്നതിന് ആവശ്യമായ നടപടികള് സ്വീകരിക്കണമെന്നും നിര്ദ്ദേശം നല്കിയിട്ടുണ്ട്. സ്ഥിതിഗതികള് നിരീക്ഷിച്ച് ആവശ്യമായ നടപടി സ്വീകരിക്കണമെന്ന് റേഞ്ച് ഐജിമാരോടും സോണല് എഡിജിപിമാരോടും ആവശ്യപ്പെട്ടിട്ടുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
