ഇറാന്‍ വൈസ് പ്രസിഡന്റിന് കൊറോണ വൈറസ് ബാധ സ്ഥിരീകരിച്ചു

ടെഹ്‌റാന്‍: ഇറാന്‍ വൈസ് പ്രസിഡന്റ് മസൗമേ എബ്‌തേക്കറിന് കൊറോണ വൈറസ് ബാധ സ്ഥിരീകരിച്ചു. എന്നാല്‍ രോഗം ഗുരുതരമല്ലെന്നും വൈസ് പ്രസിഡന്റിനെ ആശുപത്രിയില്‍ പ്രവേശിപ്പിച്ചിട്ടില്ലെന്നുമാണു റിപോര്‍ട്ടുകള്‍. ചൈനയ്ക്കു പുറത്ത് ഏറ്റവും കൂടുതല്‍ പേര്‍ കൊറോണ വൈറസ് ബാധിച്ചു മരണപ്പെട്ടത് ഇറാനിലാണ്. ഇതുവരെ 26 പേരാണ് മരണപ്പെട്ടതായി സ്ഥിരീകരിച്ചത്. 106 ആളുകള്‍ക്ക് പുതിയതായി വൈറസ് ബാധ കണ്ടെത്തി. ഇറാനിലെ ആരോഗ്യ സഹമന്ത്രി ഇറാജ് ഹാരിര്‍ഷിക്കും വൈറസ് ബാധയുള്ളതായി റിപോര്‍ട്ടുകളുണ്ട്.