ഭരണാധികാരികള് ദുരന്തനിവാരണത്തിന് ഒന്നും ചെയ്യാതെ ദുരിതാശ്വാസ ക്യാംപില് കണ്ണീര് പൊഴിക്കുന്നത് ജനവഞ്ചനയാണ്: ചെറിയാൻ ഫിലിപ്പ്
പശ്ചിമഘട്ട നിരയിലെ മനുഷ്യന്റെ ബലാല്ക്കാരവും ചൂഷണവും അവസാനിപ്പിച്ചില്ലെങ്കില് മഴയോടൊപ്പം ഉരുള്പൊട്ടലും ഒരു സ്ഥിരം പ്രതിഭാസമായി തീരും. പ്രകൃതിയെയും പരിസ്ഥിതിയേയും കൊല്ലുന്നവര് മനുഷ്യക്കുരുതിക്കും വഴി തുറക്കുന്നു.
തിരുവനന്തപുരം: സംസ്ഥാനത്തെ പ്രളയ ദുരന്തനിവാരണ വിഷയത്തില് വിമര്ശനവുമായി ചെറിയാന് ഫിലിപ്പ്. ഭരണാധികാരികള് ദുരന്തനിവാരണത്തില് ശ്രദ്ധിക്കാതെ ദുരന്തം വന്നതിനു ശേഷം ദുരിതാശ്വാസ ക്യാമ്പില് കണ്ണീര് പൊഴിക്കുകയും വിലാപകാവ്യം രചിക്കുകയും ചെയ്യുന്നത് ജനവഞ്ചനയാണെന്ന് ഇടത് സഹയാത്രികനായ ചെറിയാന് ഫിലിപ്പ് വിമര്ശിച്ചു. 2018,19 വര്ഷങ്ങളിലെ പ്രളയത്തിന് പിന്നാലെ നെതര്ലന്ഡ് മാതൃക അവിടെപോയി പഠിച്ചിട്ടും തുടര്നടപടിയെക്കുറിച്ച് ഇപ്പോഴും ആര്ക്കുമറിയില്ലെന്നും ഫേസ്ബുക്കിലൂടെ അദ്ദേഹം പരിഹസിച്ചു.
നെതര്ലന്ഡ് മാതൃകയെ കുറിച്ച് പഠിക്കാന് മുഖ്യമന്ത്രിയും സംഘവും നെതര്ലന്ഡില് പോയിട്ടും വെള്ളപ്പൊക്കം തടയാനുള്ള യാതൊരു പദ്ധതിയും കേരളത്തില് നടപ്പായില്ലെന്ന് നവമാധ്യമങ്ങളില് നിരവധി വിമര്ശനങ്ങള് ഉയര്ന്നിരുന്നു. ഇതിന് പിന്നാലെയാണ് ചെറിയാന് ഫിലിപ്പും സംസ്ഥാന സര്ക്കാരിനെതിരേ വിമര്ശനവുമായി രംഗത്തെത്തിയത്.
കാലാവസ്ഥാ വ്യതിയാനം, പരിസ്ഥിതി ആഘാതം എന്നിവ മൂലം കേരളത്തില് എപ്പോള് വേണമെങ്കിലും പ്രളയവും വരള്ച്ചയും പ്രതീക്ഷിക്കാം. ഭൂമിയില് മഴവെള്ളം കെട്ടിക്കിടക്കാന് ഇടമുണ്ടായാല് മാത്രമേ പ്രളയത്തേയും വരള്ച്ചയേയും പ്രതിരോധിക്കാനാവൂ. രണ്ടിനേയും നേരിടാന് ദീര്ഘകാല പദ്ധതികള് സര്ക്കാര് ആവിഷ്ക്കരിക്കണമെന്നും ചെറിയാന് ഫിലിപ്പ് ആവശ്യപ്പെട്ടു.
ഫേസ്ബുക്ക് കുറിപ്പിന്റെ പൂര്ണരൂപം...
കാലാവസ്ഥാ വ്യതിയാനം, പരിസ്ഥിതി ആഘാതം എന്നിവ മൂലം കേരളത്തില് എപ്പോള് വേണമെങ്കിലും പ്രളയവും വരള്ച്ചയും പ്രതീക്ഷിക്കാം. ഭൂമിയില് മഴവെള്ളം കെട്ടിക്കിടക്കാന് ഇടമുണ്ടായാല് മാത്രമേ പ്രളയത്തേയും വരള്ച്ചയേയും പ്രതിരോധിക്കാനാവൂ. രണ്ടിനേയും നേരിടാന് ദീര്ഘകാല പദ്ധതികള് സര്ക്കാര് ആവിഷ്ക്കരിക്കണം.
വെള്ളം കെട്ടിക്കിടക്കാന് ചതുപ്പുനിലങ്ങളോ വയലുകളോ ഇല്ലെങ്കില് മഴവെള്ളം കരഭൂമിയിലേക്ക് പ്രവേശിക്കും. നദികളില് മണ്ണ് നിറഞ്ഞ് ആഴമില്ലാതായതോടെയാണ് കരകവിഞ്ഞ് ഒഴുകാന് തുടങ്ങിയത്. മഴവെള്ളം ഭൂഗര്ഭത്തിലേക്ക് കിനിഞ്ഞിറങ്ങിയാല് മാത്രമേ കിണറുകളിലെയും കുളങ്ങളിലേയും വെള്ളം വറ്റാതിരിക്കൂ. ഭൂഗര്ഭ ജലമില്ലെങ്കില് ജലക്ഷാമം രൂക്ഷമാകും. സ്ഥല- ജല മാനേജ്മെന്റിലൂടെ മാത്രമേ രണ്ടു വിപത്തുകളെയും നേരിടാനാവൂ.
ഭരണാധികാരികള് ദുരന്തനിവാരണത്തിന് വേണ്ടത്ര ശ്രദ്ധിക്കാതെ ദുരന്തം വന്നതിനു ശേഷം ദുരിതാശ്വാസ ക്യാമ്പില് കണ്ണീര് പൊഴിക്കുകയും വിലാപകാവ്യം രചിക്കുകയും ചെയ്യുന്നത് ജനവഞ്ചനയാണ്. 2018,19 എന്നീ വര്ഷങ്ങളിലെ പ്രളയത്തില് നിന്നും ഒട്ടേറെ പാഠങ്ങള് നാം പഠിച്ചതാണ്. നെതര്ലണ്ട് മാതൃകയെക്കുറിച്ച് അവിടെ പോയി പഠിച്ചു. തുടര് നടപടിയെക്കുറിച്ച് ഇപ്പോഴും ആര്ക്കുമറിയില്ല.
അറബിക്കടലിലെ ന്യൂനമര്ദ്ദം കുറയുകയും മഴ ശമിക്കുകയും ചെയ്യാതിരുന്നെങ്കില് പെരുമഴയോടൊപ്പം എല്ലാ ഡാമുകളും തുറന്നു വിടുന്ന സാഹചര്യത്തില് കേരളത്തിലെ പല ജില്ലകളും വെള്ളത്തിനടിയില് ആകുമായിരുന്നു. മഹാഭാഗ്യം എന്നു പറഞ്ഞാല് മതി. പശ്ചിമഘട്ട നിരയിലെ മനുഷ്യന്റെ ബലാല്ക്കാരവും ചൂഷണവും അവസാനിപ്പിച്ചില്ലെങ്കില് മഴയോടൊപ്പം ഉരുള്പൊട്ടലും ഒരു സ്ഥിരം പ്രതിഭാസമായി തീരും. പ്രകൃതിയെയും പരിസ്ഥിതിയേയും കൊല്ലുന്നവര് മനുഷ്യക്കുരുതിക്കും വഴി തുറക്കുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
