ഭീമ കൊറേഗാവ് കേസില് ജയിലില് കഴിയുന്നവരെ ഉടന് മോചിപ്പിക്കണം: രാഷ്ട്രപതിക്ക് പ്രതിപക്ഷ കക്ഷിനേതാക്കളുടെ കത്ത്
ഫാ. സ്റ്റാന് സ്വാമിക്കെതിരേ കള്ളക്കേസ് ചുമത്തിയവര്ക്കെതിരേ നടപടി സ്വീകരിക്കാന് കേന്ദ്രസര്ക്കാരിന് നിര്ദേശം നല്കണമെന്നും കത്തില് ആവശ്യപ്പെട്ടിട്ടുണ്ട്.
പ്രതീകാത്മക ചിത്രം
ന്യൂഡല്ഹി: ഭീമ കൊറേഗാവ് കേസില് ജയിലില് കഴിയുന്നവരെ ഉടന് മോചിപ്പിക്കണമെന്ന് ആവശ്യപ്പെട്ട് രാഷ്ട്രപതിക്ക് പ്രതിപക്ഷ കക്ഷിനേതാക്കള് കത്തയച്ചു. കോണ്ഗ്രസ് അധ്യക്ഷ സോണിയ ഗാന്ധി, എന്സിപി നേതാവ് ശരദ് പവാര്, തൃണമൂല് കോണ്ഗ്രസ് അധ്യക്ഷയും ബംഗാള് മുഖ്യമന്ത്രിയുമായ മമത ബാനര്ജി, സിപിഐ ജനറല് സെക്രട്ടറി ഡി രാജ, സിപിഎം ജനറല് സെക്രട്ടറി സീതാറാം യെച്ചൂരി, ഡിഎംകെ അധ്യക്ഷനും തമിഴ്നാട് മുഖ്യമന്ത്രിയുമായ എം കെ സ്റ്റാലിന്, ജെജെഎം നേതാവും ജാര്ഖണ്ഡ് മുഖ്യമന്ത്രിയുമായ ഹേമന്ദ് സോറന്, ജെഡിഎസ് നേതാവ് എച്ച് ഡി ദേവഗൗഡ, നാഷണല് കോണ്ഫറന്സ് നേതാവ് ഫറൂഖ് അബ്ദുല്ല, ആര്ജെഡി നേതാവ് തേജസ്വി യാദവ് തുടങ്ങിയവരാണ് കത്തയച്ചത്.
ഭീമ കൊറേഗാവ് കേസില് തടവിലായിരുന്ന മനുഷ്യാവകാശ പ്രവര്ത്തകന് സ്റ്റാന് സ്വാമി കസ്റ്റഡിയിലിരിക്കെ മരിച്ചതിനു പിന്നാലെയാണ് പ്രതിപക്ഷ നേതാക്കളുടെ ഇടപെടല്.
ഭീമ കൊറേഗാവ് കേസിലും രാഷ്ട്രീയ പ്രേരിതമായ മറ്റ് കേസുകളിലും അകപ്പെട്ട് യുഎപിഎ, രാജ്യദ്രോഹം എന്നിവ ചുമത്തി ജയിലിലടച്ചിരിക്കുന്നവരെ വിട്ടയക്കണം. ഫാ. സ്റ്റാന് സ്വാമിക്കെതിരേ കള്ളക്കേസ് ചുമത്തിയവര്ക്കെതിരേ നടപടി സ്വീകരിക്കാന് കേന്ദ്രസര്ക്കാരിന് നിര്ദേശം നല്കണമെന്നും കത്തില് ആവശ്യപ്പെട്ടിട്ടുണ്ട്.ഭീമാ കൊറെഗാവ് കേസില് വിചാരണ കാത്ത് കഴിയുകയായിരുന്ന മനുഷ്യാവകാശ പ്രവര്ത്തകന് ഫാദര് സ്റ്റാന് സ്വാമി (84) ചൊവ്വാഴ്ചയാണ് കസ്റ്റഡിയില് മരിച്ചത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
