മാളയില്‍ യുവാവിനെ വെട്ടി കൊലപെടുത്താന്‍ ശ്രമിച്ച കേസില്‍ ഒരാള്‍ അറസ്റ്റില്‍

മാള: മാളയില്‍ യുവാവിനെ വെട്ടി കൊലപെടുത്താന്‍ ശ്രമിച്ച കേസില്‍ ഒരാള്‍ അറസ്റ്റില്‍. ഗുരുതിപ്പാല ആനപാട്ടുവിള നിബിനെ (പരുന്ത് നിബിന്‍ - 30) ആണ് മാള പോലിസ് അറസ്റ്റ് ചെയ്തത്. പഴൂക്കര ഗുരുതിപ്പാല സ്വദേശി വിശാലിനാണ് കഴിഞ്ഞ ദിവസം വെട്ടേറ്റത്.

വെട്ടേറ്റു ഇയാളുടെ ഒരു കൈ മുറിഞ്ഞു തൂങ്ങിയിരുന്നു. തലക്കും പരിക്കേറ്റിരുന്നു. ചാലക്കുടിയിലെ സ്വകാര്യ ആശുപത്രിയില്‍ പ്രവേശിപ്പിച്ച വിശാല്‍ അപകടനില തരണം ചെയ്തിട്ടില്ല. അഷ്ടമിച്ചിറ മൂന്നമ്പലത്തിനടുത്ത് കഴിഞ്ഞ ദിവസമാണ് സംഭവം നടന്നത്. ഒന്നിലധികം ക്രിമിനല്‍ കേസുകളിലെ പ്രതിയാണ് നിബിന്‍. ഗുണ്ടകള്‍ തമ്മിലെ കുടിപ്പകയാണ് കാരണമെന്നറിയുന്നു. പ്രതിയെ ചാലക്കുടി ഫസ്റ്റ് ക്ലാസ് മജിസ്‌ട്രേറ്റ് കോടതി റിമാന്‍ഡ് ചെയ്തു.