യുവതിക്ക് അശ്ലീല വീഡിയോ അയച്ച പോലിസുകാരന് സസ്പെന്ഷന്
പെരിങ്ങോട്ടുകര പോലിസ് ഔട്ട് പോസ്റ്റിലെ ഡ്രൈവര് ജോസഫ് ക്ലീറ്റസിനെയാണ് റൂറല് ജില്ലാ പോലിസ് മേധാവി ഐശ്വര്യ ഡോങ്ങ്റെ സസ്പെന്റ് ചെയ്തത്.
തൃശ്ശൂര്: യുവതിക്ക് അശ്ലീല വീഡിയോ അയച്ച പോലിസുകാരന് സസ്പെന്ഷന്. പെരിങ്ങോട്ടുകര പോലിസ് ഔട്ട് പോസ്റ്റിലെ ഡ്രൈവര് ജോസഫ് ക്ലീറ്റസിനെയാണ് റൂറല് ജില്ലാ പോലിസ് മേധാവി ഐശ്വര്യ ഡോങ്ങ്റെ സസ്പെന്റ് ചെയ്തത്. കൊടുങ്ങല്ലൂര് സ്വദേശി ആണ് ഇയാള്. വാഹന പരിശോധനയ്ക്കിടെ ചാഴൂര് സ്വദേശിയായ യുവതിയുടെ മൊബൈല് നമ്പര് ചോദിച്ചു വാങ്ങി ഫോണില് വിളിച്ച് ശല്യം ചെയ്യുകയും അശ്ലീല വീഡിയോ അയച്ച് അപമാനിച്ചെന്നുമായിരുന്നു പരാതി. അന്തിക്കാട് ഇന്സ്പെക്ടര് പി കെ ദാസ് നടത്തിയ അന്വേഷണത്തില് യുവതിയുടെ പരാതി സത്യമാണെന്ന് കണ്ടെത്തി. ഇക്കാര്യം സ്ഥിരീകരിച്ച എസ്പിക്ക് റിപ്പോര്ട്ട് നല്കി. തുടര്ന്നാണ് പോലിസുകാരനെ സര്വീസില് നിന്ന് സസ്പെന്ഡ് ചെയ്തത്.
അതിനിടെ പീഡന കേസില് പൊലീസുക്കാരന് കൊടുങ്ങല്ലൂരില് അറസ്റ്റിലായി. എറണാകുളം ജില്ലയിലെ പറവൂര് വാണിയക്കാട് സ്വദേശി ആലിങ്ങ പറമ്പില് ശ്രീജിത്ത് (29)നെയാണ് കൊടുങ്ങല്ലൂര് പോലിസ് അറസ്റ്റ് ചെയ്തത്. പറവൂര് സ്വദേശിനിയുടെ പരാതിയിലാണ് പോലിസ് നടപടി. പ്രണയം നടിച്ച് പീഡിപ്പിച്ചെന്നാണ് പറവൂര് സ്റ്റേഷനില് യുവതി നല്കിയ പരാതി. കേസിനാസ്പദമായ സംഭവം നടന്ന സ്ഥലമെന്ന നിലയില് പരാതി കൊടുങ്ങല്ലൂര് പോലിസിന് കൈമാറുകയായിരുന്നു. തൃപ്പുണ്ണിത്തറ എആര് ഫസ്റ്റ് ബറ്റാലിയനിലെ പോലിസുകാരനായ പ്രതി നിലവില് മതിലകം സ്റ്റേഷനിലാണ് ജോലി ചെയ്യുന്നത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
RELATED STORIES
പ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMT