വിംബിള്‍ഡണ്‍; വനിതാ സിംഗിള്‍സില്‍ റൈബാക്കിനാ- ഓന്‍സ് ജബീര്‍ ഫൈനല്‍

ലണ്ടന്‍: വിംബിള്‍ഡണ്‍ വനിതാ സിംഗിള്‍സില്‍ എലേനാ റൈബാക്കിന ടുണീഷ്യയുടെ ഓന്‍സ് ജബീറുമായി ഏറ്റുമുട്ടും. ഇന്ന് നടന്ന സെമിയില്‍ കസാഖിസ്ഥാന്റെ റൈബാക്കിനാ മുന്‍ ചാംപ്യന്‍ സിമോണാ ഹാലപ്പിനെയാണ് പരാജയപ്പെടുത്തിയത്. സ്‌കോര്‍ 6-3, 6-3.

മറ്റൊരു സെമിയില്‍ തത്ജനാ മരിയയെ തോല്‍പ്പിച്ചാണ് ഓന്‍സ് ജബീര്‍ ഗ്രാന്‍സ്ലാം ഫൈനലില്‍ എത്തുന്ന ആദ്യ ആഫ്രിക്കന്‍ താരമായത്. സ്‌കോര്‍ 6-2, 3-6, 6-1. ലോക റാങ്കിങില്‍ രണ്ടാം സ്ഥാനത്താണ് ജബീര്‍.