വിംബിള്‍ഡണില്‍ വന്‍ അട്ടിമറികള്‍; റഡാകാനു, മുറെ പുറത്ത്

ലണ്ടന്‍: വിംബിള്‍ഡണ്‍ വനിതാ വിഭാഗത്തില്‍ അട്ടിമറികളുടെ ദിനം. യു എസ് ഓപ്പണ്‍ ജേതാവ് ബ്രിട്ടണ്‍ന്റെ എമാ റഡാകാനു രണ്ടാം റൗണ്ടില്‍ പുറത്തായി. ഫ്രാന്‍സിന്റെ കരോലിനെ ഗാര്‍സിയയാണ് 6-3 6-3 സെറ്റുകള്‍ക്ക് റഡാകാനുവിനെ പുറത്താക്കിയത്. രണ്ടാം സീഡ് എസ്റ്റോണിയയുടെ അനീറ്റാ കൊനറ്റാവീറ്റയെ ജര്‍മ്മനിയുടെ ജൂലെ നെയ്മിര്‍ പരാജയപ്പെടുത്തി. സ്‌കോര്‍ 6-4, 6-0.

പുരുഷ വിഭാഗത്തില്‍ മുന്‍ ലോക ഒന്നാം നമ്പര്‍ ബ്രിട്ടന്റെ ആന്റി മുറെ പുറത്തായി. അമേരിക്കയുടെ ജോണ്‍ ഇഷ്‌നര്‍ 6-4, 7-6, 6-7, 6-4 സെറ്റുകള്‍ക്കാണ് മുന്‍ വിംബിള്‍ഡണ്‍ ചാംപ്യനെ വീഴ്ത്തിയത്.മൂന്നാം സീഡ് നോര്‍വെയുടെ കാസ്പര്‍ റൂഡിനെ ഫ്രഞ്ച് താരം യുഗോ ഹംബര്‍ട്ട് പുറത്താക്കി.