സിന്‍സിനാറ്റി ഓപ്പണ്‍; സെറീനാ വില്ല്യംസിനെ വീഴ്ത്തി എമാ റഡാകാനു; ഒസാക്കയും പുറത്ത്

സിന്‍സിനാറ്റി: 23 ഗ്രാന്‍സ്ലാം കിരീടം നേടിയ അമേരിക്കയുടെ സെറീനാ വില്ല്യംസ് സിന്‍സിനാറ്റി മാസ്റ്റേഴ്‌സ് ഓപ്പണിന്റെ ആദ്യ റൗണ്ടില്‍ പുറത്തായി. യു എസ് ഓപ്പണ്‍ ചാംപ്യന്‍ ബ്രിട്ടന്റെ എമാ റഡാകാനുവാണ് സെറീനയുടെ തുടക്കം അവസാനിപ്പിച്ചത്. സ്‌കോര്‍ 6-4, 6-0. നാല് ഗ്രാന്‍സ്ലാം നേടിയ മുന്‍ ലോക ഒന്നാം നമ്പര്‍ ജപ്പാന്റെ നയോമി ഒസാക്കയും ആദ്യ റൗണ്ടില്‍ പുറത്തായി. രണ്ട് തവണ വനിതാ ഡബിള്‍സ് ഗ്രാന്‍സ്ലാം കിരീടങ്ങള്‍ നേടിയ ചൈനയുടെ സാങ് ഷുയി 6-4, 7-5 സെറ്റുകള്‍ക്ക് താരത്തെ പരാജയപ്പെടുത്തുകയായിരുന്നു.