ദുബയ് ഓപ്പണ്‍ ടെന്നിസ് ചാംപ്യന്‍ഷിപ്പ്; സാനിയാ മിര്‍സ ക്വാര്‍ട്ടറില്‍

ദുബയ്: ദുബയ് ഓപ്പണ്‍ ടെന്നിസ് ചാംപ്യന്‍ഷിപ്പിന്റെ ക്വാര്‍ട്ടറില്‍ പ്രവേശിച്ച് ഇന്ത്യയുടെ സാനിയാ മിര്‍സാ-ലൂസി ഹര്‍ഡെഷക്കാ സഖ്യം. ചൈനീസ് തായ്‌പേയ്-നെതര്‍ലന്റസ് സഖ്യത്തെയാണ് ഇന്ത്യാ-ചെക്ക് സഖ്യം പരാജയപ്പെടുത്തിയത്. സ്‌കോര്‍ 7-6, 5-7, 11-9. ചാന്‍ ഹോ ചിങ്- ഡെമി ഷെര്‍സ് സഖ്യത്തെ ഒന്നരമണിക്കൂര്‍ നീണ്ട പോരാട്ടത്തിനൊടുവിലാണ് സാനിയാ സഖ്യം പരാജയപ്പെടുത്തിയത്. ക്വാര്‍ട്ടറില്‍ ജപ്പാന്‍-സെര്‍ബിയാ സഖ്യത്തെയാണ് സാനിയാ-ലൂസി സഖ്യം നേരിടുക.2013ല്‍ സാനിയാ-ബെത്താനി സഖ്യം ഇവിടെ കിരീടം നേടിയിരുന്നു.