ബിഡബ്ല്യൂഎഫ് ചാംപ്യന്‍ഷിപ്പ്; കിഡംബി പുറത്ത്; ലക്ഷ്യാ സെന്‍ പ്രീക്വാര്‍ട്ടറില്‍

ടോക്കിയോ: ബിഡബ്ല്യൂഎഫ് വേള്‍ഡ് ചാംപ്യന്‍ഷിപ്പില്‍ നിന്ന് നിലവിലെ റണ്ണര്‍ അപ്പായ ഇന്ത്യയുടെ കിഡംബി ശ്രീകാന്ത് പുറത്ത്. രണ്ടാം റൗണ്ടിലാണ് താരത്തിന്റെ ഞെട്ടിക്കുന്ന തോല്‍വി. ലോക റാങ്കിങില്‍ 32ാം സ്ഥാനത്തുള്ള സാഓ ജുന്‍ പെങാണ് ശ്രീകാന്തിനെ അട്ടിമറിച്ചത്.സ്‌കോര്‍ 18-21, 17-21.

കോമണ്‍വെല്‍ത്ത് മെഡല്‍ ജേതാവ് ലക്ഷ്യാ സെന്‍ പ്രീക്വാര്‍ട്ടറില്‍ പ്രവേശിച്ചു. സ്‌പെയിനിന്റെ ലൂയിസ് പെനാല്‍വറിനെ 21-17, 21-10 സെറ്റുകള്‍ക്കാണ് പരാജയപ്പെടുത്തിയത്. ഇന്ത്യയുടെ എച്ച് എസ് പ്രണോയി പ്രീക്വാര്‍ട്ടറില്‍ കടന്നു. പ്രീക്വാര്‍ട്ടറില്‍ പ്രണോയി ലക്ഷ്യാ സെന്നിനെ നേരിടും.

വനിതാ ഡബിള്‍സില്‍ അശ്വനി പൊന്നപ്പ-എന്‍ സിഖി റെഡ്ഡി സഖ്യം രണ്ടാം റൗണ്ടില്‍ പുറത്തായി.