ഇന്ത്യന്‍ വെല്‍സ്; അസരങ്കയെ വീഴ്ത്തി ബഡോസയ്ക്ക് കിരീടം

കാലിഫോര്‍ണിയ: ഇന്ത്യന്‍ വെല്‍സ് മാസ്‌റ്റേഴ്‌സ് വനിതാ വിഭാഗം കിരീടം സ്‌പെയിനിന്റെ പൗളാ ബഡോസയ്ക്ക്. ബെലാറസിന്റെ വിക്ടോറിയാ അസരങ്കയെ വീഴ്ത്തിയാണ് ബഡോസ കരിയറിലെ രണ്ടാം കിരീടം കരസ്ഥമാക്കിയത്. സ്‌കോര്‍ 7-6, 2-6, 7-6. ബഡോസ 27ാം റാങ്കുകാരിയാണ്. പുരുഷ വിഭാഗം സിംഗിള്‍സ് കിരീടം ബ്രിട്ടണന്റെ കാമറൂണ്‍ നൂരി സ്വന്തമാക്കി. ജോര്‍ജ്ജിയയുടെ നിക്കോളസ് ബാസിലഷവിലിയെ 3-6, 6-4, 6-1 സെറ്റുകള്‍ക്കാണ് പരാജയപ്പെടുത്തിയത്.