ഓസ്‌ട്രേലിയന്‍ ഓപ്പണ്‍; പ്ലിസ്‌കോവയും സ്വവിറ്റോലിനയും പുറത്ത്

പുരുഷവിഭാഗത്തില്‍ റാഫേല്‍ നദാല്‍, നിക്ക് കിര്‍ഗിസ്, ഡൊമനിക്ക് തീം, അലക്‌സാണ്ടര്‍ സെവര്‍വ്, ഡാനില്‍ മെഡ് വേദേവ് എന്നിവര്‍ അവസാന 16ല്‍ ഇടം നേടി.

ഓസ്‌ട്രേലിയന്‍ ഓപ്പണ്‍; പ്ലിസ്‌കോവയും സ്വവിറ്റോലിനയും പുറത്ത്

മെല്‍ബണ്‍: ചെക്ക് റിപ്പബ്ലിക്ക് താരം കരോലിന പ്ലിസ്‌കോവയും ഉക്രെയ്‌ന്റെ എലീനാ സ്വവിറ്റോലിനയും ഓസ്‌ട്രേലിയന്‍ ഓപ്പണിന്റെ വനിതാ വിഭാഗം സിംഗിള്‍സിന്റെ മൂന്നാം റൗണ്ടില്‍ നിന്ന് പുറത്ത്. രണ്ടാം സീഡായ പ്ലിസ്‌കോവ റഷ്യയുടെ അനസ്താസ്യായോട് 7-6, 7-6 എന്ന സെറ്റുകള്‍ക്കാണ് പരാജയപ്പെട്ടത്. സ്വവിറ്റോലിനയെ സ്‌പെയിനിന്റെ ഗാര്‍ബിനേ മുഗുരുസയാണ് പരാജയപ്പെടുത്തിയത്.രണ്ട് തവണ ഗ്രാന്‍സ്ലാം കിരീടം നേടിയ മുഗുരുസ 6-1, 6-2 സെറ്റുകള്‍ക്കാണ് സ്വവിറ്റോലിനയെ തോല്‍പ്പിച്ചത്.

പുരുഷവിഭാഗത്തില്‍ റാഫേല്‍ നദാല്‍, നിക്ക് കിര്‍ഗിസ്, ഡൊമനിക്ക് തീം, അലക്‌സാണ്ടര്‍ സെവര്‍വ്, ഡാനില്‍ മെഡ് വേദേവ് എന്നിവര്‍ അവസാന 16ല്‍ ഇടം നേടി. ടെയ്‌ലര്‍ ഫ്രിറ്റ്‌സിനെ് 6-2, 6-4, 6-7, 6-4 സെറ്റുകള്‍ക്ക് പരാജയപ്പെടുത്തിയാണ് ഡൊമനിക്ക് തീം അടുത്ത റൗണ്ടിലേക്ക് പ്രവേശിച്ചത്. കരന്‍ ഖാചാനോവിനെ 6-2, 7-6, 6-7, 6-7, 7-6 സെറ്റുകള്‍ക്ക് പരാജയപ്പെടുത്തിയാണ് നിക്ക് കിര്‍ഗിസ് ജയിച്ചു കയറിയത്. അടുത്ത റൗണ്ടില്‍ റാഫേല്‍ നദാലിനെയാണ് കിര്‍ഗിസ് നേരിടുക. സ്‌പെയിനിന്റെ തന്നെ കരേനോ ബുസ്റ്റയെ 6-1, 6-2, 6-4 സെറ്റുകള്‍ക്ക് പരാജയപ്പെടുത്തിയാണ് നദാല്‍ പ്രീക്വാര്‍ട്ടറിലേക്ക് കടന്നത്.

RELATED STORIES

Share it
Top