ടോക്കിയോ ഒളിംപിക്‌സ്: ആദ്യ സ്വര്‍ണം വെടിവച്ചിട്ട് ചൈന; വനിതാ ഷൂട്ടിങില്‍ ഇന്ത്യയ്ക്ക് ഉന്നംപിഴച്ചു

ടോക്കിയോ: ടോക്കിയോ ഒളിംപിക്‌സില്‍ ആദ്യ സ്വര്‍ണം വെടിവച്ചിട്ട് ചൈന. 10 മീറ്റര്‍ എയര്‍ റൈഫിളില്‍ ചൈനയുടെ യാങ് കിയാനാണ് സ്വര്‍ണമണിഞ്ഞത്. റഷ്യന്‍ താരം വെള്ളിയും സ്വിസ് താരത്തിന് വെങ്കലവും ലഭിച്ചു.

അതേസമയം, ഇന്ത്യന്‍ താരങ്ങളായ ഇളവേനില്‍ വാളരിവനും അപുര്‍വി ചന്ദേലയ്ക്കും ഫൈനല്‍ റൗണ്ടില്‍ ഇടംലഭിച്ചില്ല. യോഗ്യതാ റൗണ്ടില്‍ ഇളവേനില്‍ 16ഉം ചന്ദേല 36 ഉം സ്ഥാനത്താണ് ഫിനിഷ് ചെയ്തത്. ഇളവേനില്‍ ലോക ഒന്നാം നമ്പര്‍ താരവും ചന്ദേല ലോക റെക്കോര്‍ഡിന് ഉടമയുമാണ്.