കിരീട ഫേവററ്റുകള്‍ വീണു; ഹോക്കി ലോകകപ്പില്‍ നിന്ന് ഇന്ത്യ പുറത്ത്

ഭുവനേശ്വര്‍: ഹോക്കി ലോകകപ്പില്‍ നിന്ന് ആതിഥേയരായ ഇന്ത്യ പുറത്ത്. ക്രോസ് ഓവര്‍ മല്‍സരത്തില്‍ ന്യൂസിലന്റിനോട് പെനാല്‍റ്റി ഷൂട്ടൗട്ടില്‍ പരാജയപ്പെട്ടാണ് ഇന്ത്യ ക്വാര്‍ട്ടര്‍ കാണാതെ പുറത്തായത്. നിശ്ചിത സമയത്ത് മല്‍സരം 3-3 സമനിലയില്‍ കലാശിക്കുകയായിരുന്നു. തുടര്‍ന്നാണ് മല്‍സരം ഷൂട്ടൗട്ടിലേക്ക് നീങ്ങിയത്. ഷൂട്ടൗട്ടില്‍ 4-5നാണ് ന്യൂസിലന്റിന്റെ ജയം. ഷൂട്ടൗട്ടില്‍ രാജ് കുമാര്‍ പാല്‍, ഹര്‍മന്‍ പ്രീത് സിങ്, സുഖജീത്് സിങ് എന്നിവര്‍ ലക്ഷ്യം കണ്ടപ്പോള്‍ ഷംഷെര്‍ സിങിന്റെ രണ്ട് കിക്കും പാഴായി. മലയാളി ഗോള്‍ കീപ്പര്‍ പി ആര്‍ ശ്രീജേഷിന് പരിക്കേറ്റതാണ് ഇന്ത്യയ്ക്ക് വലിയ തിരിച്ചടിയായത്. 3-1ന്റെ ലീഡ് കരസ്ഥമാക്കിയ ശേഷമായിരുന്നു ഇന്ത്യ സമനില വഴങ്ങിയത്. ഇത്തവണ കിരീടം പ്രതീക്ഷിച്ചായിരുന്നു ഇന്ത്യ ലോകകപ്പിനായി തയ്യാറായത്.