കൊളംബിയന്‍ സൂപ്പര്‍ താരം ലൂയിസ് ഡയസ് ലിവര്‍പൂളിലേക്ക്

ആന്‍ഫീല്‍ഡ്: കൊളംബിയന്‍ ക്രിസ്റ്റ്യാനോ റൊണാള്‍ഡോ എന്നറിയപ്പെടുന്ന സൂപ്പര്‍ താരം ലൂയിസ് ഡയസ്സ് ലിവര്‍പൂളിലേക്ക് വരുന്നു. എഫ് സി പോര്‍ട്ടോയുടെ താരമായ ഡയസ്സിനെ മാസങ്ങള്‍ക്ക് മുമ്പ് തന്നെ ലിവര്‍പൂള്‍ നോട്ടമിട്ടിരുന്നു. ചാംപ്യന്‍സ് ലീഗില്‍ താരം ലിവര്‍പൂളിനെതിരേ കളിച്ചിരുന്നു. ഇക്കഴിഞ്ഞ കോപ്പാ അമേരിക്കാ ടൂര്‍ണ്ണമെന്റില്‍ ലയണല്‍ മെസ്സിക്കൊപ്പം ടോപ് സ്‌കോറര്‍ പട്ടം നേടിയ താരമാണ് 25 കാരനായ ഡയസ്സ്.45 മില്ല്യണ്‍ യൂറോയും 15 മില്ല്യണ്‍ യൂറോ പ്രകടനം കണക്കാക്കിയും നല്‍കുന്ന കരാറിന് പോര്‍ട്ടോ അംഗീകാരം നല്‍കുകയായിരുന്നു.