സീരി എയില്‍ യുവന്റസ് വീണ്ടും തലപ്പത്ത്; ഫ്രാന്‍സില്‍ പിഎസ്ജിക്ക് സമനില

റോം: ഇറ്റാലിയന്‍ സീരി എയില്‍ വീണ്ടും ഒന്നാം സ്ഥാനം സ്വന്തമാക്കി യുവന്റസ്. ഇന്ന് നടന്ന മല്‍സരത്തില്‍ എഎസ് റോമയെ 2-1ന് തോല്‍പ്പിച്ചാണ് യുവന്റസ് വീണ്ടും ഇന്ററിനെ തള്ളി ഒന്നിലെത്തിയത്. ഡെമിറല്‍, ക്രിസ്റ്റ്യാനോ റൊണാള്‍ഡോ എന്നിവരാണ് യുവന്റസിനായി സ്‌കോര്‍ ചെയ്തത്.

ഫ്രഞ്ച് ലീഗില്‍ പിഎസ്ജിക്ക് സമനില പൂട്ട്. മൊണാക്കോ 3-3നാണ് പിഎസ്ജിയെ പിടിച്ചുകെട്ടിയത്. നെയ്മര്‍ ഇരട്ട ഗോള്‍ നേടിയ മല്‍സരത്തില്‍ ബാലോ ടോറെ ഒരു ഗോള്‍ നേടി. 3, 42 മിനിറ്റുകളിലായിരുന്നു നെയ്മറുടെ ഗോള്‍ നേട്ടം. ലീഗില്‍ 46 പോയിന്റുമായാണ് പിഎസ്ജി ഒന്നാമത് തുടരുന്നത്. 41 പോയിന്റുമായി മാര്‍സിലെയാണ് രണ്ടാമത്.