റിയാദ് സീസണ്‍ കപ്പ്; പിഎസ്ജി ടീം ദോഹയിലെത്തി

റിയാദ്: നാളെ പിഎസ്ജിയും അല്‍ നസര്‍-അല്‍ ഹിലാല്‍ സംയുക്ത ടീമുമായി നടക്കുന്ന പ്രദര്‍ശനമല്‍സരത്തിനായി പിഎസ്ജി ടീം ദോഹയിലെത്തി.പരിശീലനത്തിനായാണ് ടീം ഖത്തറിലെത്തിയത്. ഇവിടെത്തെ പരിശീലനത്തിന് ശേഷം ടീം റിയാദിലേക്ക് തിരിക്കും. 20,000 ആരാധകര്‍ക്ക് ഇന്നത്തെ പരിശീലന സെഷന്‍ കാണാനുള്ള അവസരം ഒരുക്കിയിട്ടുണ്ട്. പിഎസ്ജിയുടെ ക്ലബ്ബ് പാര്‍ട്ണര്‍മാര്‍ ഒരുക്കിയ വിവിധ പരിപാടികളില്‍ മെസ്സി, നെയ്മര്‍, എംബാപ്പെ എന്നിവരടങ്ങിയ ടീം പങ്കെടുത്തു. അല്‍ നസര്‍-അല്‍ ഹിലാല്‍ സംയുക്ത ടീമിനെ നയിക്കുന്നത് ക്രിസ്റ്റ്യാനോ റൊണാള്‍ഡോയാണ്.