പ്രീമിയര്‍ ലീഗ് കിരീട പോരാട്ടം ആവേശത്തിലേക്ക്; മാഞ്ചസ്റ്റര്‍ സിറ്റി ഒന്നില്‍

ഇത്തിഹാദ്: ഇംഗ്ലിഷ് പ്രീമിയര്‍ ലീഗ് കിരീട പോരാട്ടം ആവേശകരമായ അന്ത്യത്തിലേക്ക്. ഇന്ന് നടന്ന മല്‍സരത്തില്‍ മാഞ്ചസ്റ്റര്‍ സിറ്റി ഫുള്‍ഹാമിനെ പരാജയപ്പെടുത്തി ഒന്നാം സ്ഥാനത്തെത്തി. 2-1നാണ് സിറ്റിയുടെ ജയം. ഇതോടെ ഒന്നാം സ്ഥാനത്തുണ്ടായിരുന്ന ആഴ്‌സണല്‍ രണ്ടാം സ്ഥാനത്തേക്ക് വീണു. ഇന്ന് നടന്ന മറ്റ് മല്‍സരങ്ങളില്‍ ന്യൂകാസില്‍ യുനൈറ്റഡ് സതാംപ്ടണിനെ 3-1ന് പരാജയപ്പെടുത്തി. മൂന്നാം സ്ഥാനത്ത് നിലയുറപ്പിച്ചു. ആസ്റ്റണ്‍ വില്ലയെ ഒരു ഗോളിന് പരാജയപ്പെടുത്തി മാഞ്ചസ്റ്റര്‍ യുനൈറ്റഡ് നാലാം സ്ഥാനം നിലനിര്‍ത്തി. ടോട്ടന്‍ഹാമിനെ 4-3ന് പരാജയപ്പെടുത്തി ലിവര്‍പൂള്‍ അഞ്ചാം സ്ഥാനത്തെത്തി.

ഫ്രഞ്ച് ലീഗ് വണ്ണില്‍ ലോറിയന്റിനോട് 3-1ന്റെ അപ്രതീക്ഷിത തോല്‍വി ഏറ്റുവാങ്ങി പിഎസ്ജി. പരാജയപ്പെട്ടെങ്കിലും പിഎസ്ജി ഒന്നാം സ്ഥാനത്ത് തുടരുന്നു.