ഐഎസ്എല്‍; ബ്ലാസ്‌റ്റേഴ്‌സിന് വമ്പന്‍ തോല്‍വി; പേരേരയ്ക്ക് ഡബിള്‍

മുംബൈ: ഇന്ത്യന്‍ സൂപ്പര്‍ ലീഗില്‍ അപരാജിത കുതിപ്പ് നടത്തുന്ന കേരളാ ബ്ലാസ്റ്റേഴ്‌സിന് മുംബൈ എഫ്‌സിയുടെ ഷോക്ക്. ലീഗിലെ ഒന്നാം സ്ഥാനക്കാരായ മുംബൈ ബ്ലാസ്‌റ്റേഴിനെ എതിരില്ലാത്ത നാല് ഗോളിന് തകര്‍ത്തു. മല്‍സരത്തിന്റെ ആദ്യ 22 മിനിറ്റിനിടെ തന്നെ ബ്ലാസ്റ്റേഴ്‌സിനെതിരേ മുംബൈ നാല് ഗോളിന്റെ ലീഡ് നേടിയിരുന്നു. മുംബൈ ഫുട്‌ബോള്‍ അരീനയില്‍ നടന്ന മല്‍സരത്തില്‍ . മുന്‍ ബ്ലാസ്റ്റേഴ്‌സ് താരം ജോര്‍ജ്ജ് പെരേരേ ഡയസ്സ് (4, 22) മുന്‍ ജെംഷഡ്പൂര്‍ താരം ഗ്രേഗ് സ്റ്റുവര്‍ട്ട് (10), ബിപിന്‍ സിങ് (16) എന്നിവരാണ് മുംബൈയ്ക്കായി സ്‌കോര്‍ ചെയ്തത്. പരാജയപ്പെട്ടെങ്കിലും ബ്ലാസ്റ്റേഴ്‌സ് മൂന്നാം സ്ഥാനത്ത് തന്നെയാണ്.