ഹാട്രിക്ക് സലാ ഗ്രേറ്റ്; പ്രീമിയര് ലീഗില് അഞ്ച് ഗോള് തോല്വിയില് യുനൈറ്റഡ്
38, 45, 50 മിനിറ്റുകളിലാണ് മുഹമ്മദ് സലായുടെ ഗോളുകള്.
ഓള്ഡ്ട്രാഫോഡ്: ലിവര്പൂളും മാഞ്ചസ്റ്റര് യുനൈറ്റഡും ഏറ്റുമുട്ടിയ നോര്ത്ത് വെസ്റ്റ് ഡെര്ബിയില് ചെമ്പടയ്ക്ക് എതിരില്ലാത്ത അഞ്ച് ഗോള് ജയം. ഇംഗ്ലിഷ് പ്രീമിയര് ലീഗിലെ ആവേശം നിറഞ്ഞ മല്സരത്തില് ചുവപ്പ് ചെകുത്താന്മാരുടെ വേര് ഇളക്കിയാണ് ക്ലോപ്പും കൂട്ടരും ഓള്ഡ്ട്രാഫോഡ് വിട്ടത്. ഒരു ഗോള് പോലും മടക്കാന് കഴിയാതെ കാണികളുടെ കൂക്കിവിളികളും കേട്ടാണ് സോള്ഷ്യറുടെ ടീം കളം വിട്ടത്.
ഈ സീസണില് ലോകഫുട്ബോളില് തന്നെ ഏറ്റവും മികച്ച ഫോമിലുള്ള ഈജിപ്ഷ്യന് താരം മുഹമ്മദ് സലാഹ് ഇന്ന് ലിവര്പൂളിനായി ഹാട്രിക്ക് നേടി. നാബി കീറ്റയുടെ അഞ്ചാം മിനിറ്റിലെ ആദ്യ ഗോളിന് വഴിയൊരുക്കിയത് സലായാണ്. ഡീഗോ ജോട്ടയാണ് 13ാം മിനിറ്റില് ലിവര്പൂളിന്റെ രണ്ടാം ഗോള് നേടിയത്. 38, 45, 50 മിനിറ്റുകളിലാണ് മുഹമ്മദ് സലായുടെ ഗോളുകള്. ക്രിസ്റ്റിയാനോ റൊണാള്ഡോയുടെ ഒരു ഗോള് വാര് നിഷേധിച്ചതും പോഗ്ബെ ചുവപ്പ് കാര്ഡ് കണ്ട് കളം വിട്ടതും യുനൈറ്റഡിന് തിരിച്ചടിയായി. യുനൈറ്റഡ് നിര ലിവര്പൂളിന് മുന്നില് നിലപരിശാവുകയായിരുന്നു. ഓള്ഡ്ട്രാഫോഡിലെ സ്വന്തം കാണികള്ക്ക് മുന്നില് യുനൈറ്റഡ് നാണം കെട്ട് മടങ്ങുകയായിരുന്നു. ജയത്തോടെ ലിവര്പൂള് രണ്ടാം സ്ഥാനത്തേക്ക് കുതിച്ചപ്പോള് തോല്വിയോടെ യുനൈറ്റഡ് ഏഴിലേക്ക് വീണു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT