പ്രീമിയര്‍ ലീഗില്‍ 21 ജയവുമായി സിറ്റിയുടെ തേരോട്ടം

ഇത്തിഹാദ്; പെപ്പ് ഗ്വാര്‍ഡിയോള നയിക്കുന്ന മാഞ്ചസ്റ്റര്‍ സിറ്റിയുടെ പ്രീമിയര്‍ ലീഗിലെ അപരാജിത കുതിപ്പ് തുടരുന്നു. കഴിഞ്ഞ ദിവസം നടന്ന മല്‍സരത്തില്‍ അട്ടിമറിവീരന്‍മാരായ വോള്‍വ്‌സിനെയും തകര്‍ത്ത് സിറ്റി തുടര്‍ച്ചയായ 21ാം ജയം കരസ്ഥമാക്കി. 4-1നാണ് സിറ്റിയുടെ ജയം. ഗബ്രിയേല്‍ ജീസസ് (ഡബിള്‍), മെഹറസ്, ഡെന്‍ഡോന്‍ക്കര്‍(സെല്‍ഫ്-വോള്‍വ്‌സ്) എന്നിവരാണ് സിറ്റിയ്ക്കായി വലകുലിക്കിയത്. ജയത്തോടെ ഒന്നാം സ്ഥാനത്തുള്ള സിറ്റിയുടെ ലീഡ് 15 പോയിന്റായി ഉയര്‍ന്നു. സിറ്റിക്ക് 65 പോയിന്റാണുള്ളത്. 50 പോയിന്റുമായി രണ്ടാം സ്ഥാനത്തുള്ള മാഞ്ച്‌സറ്റര്‍ യുനൈറ്റഡ് ഇന്ന് നടക്കുന്ന മല്‍സരത്തില്‍ ക്രിസ്റ്റല്‍ പാലസിനെ നേരിടും.