പ്രീമിയര്‍ ലീഗ്; ജയം തുടര്‍ന്ന് ലിവര്‍പൂള്‍; ചെല്‍സിക്ക് സമനില

ആന്‍ഫീല്‍ഡ്: ഇംഗ്ലിഷ് പ്രീമിയര്‍ ലീഗില്‍ ലിവര്‍പൂളിന് തുടര്‍ച്ചയായ മൂന്നാം ജയം. ഇന്ന് വെസ്റ്റ് ഹാം യുനൈറ്റഡിനെ എതിരില്ലാത്ത ഒരു ഗോളിനാണ് ചെമ്പട തകര്‍ത്തത്. ഡാര്‍വിന്‍ ന്യൂനസ് ആണ് 22ാം മിനിറ്റില്‍ ലിവര്‍പൂളിനായി ഗോള്‍ നേടിയത്. ലിവര്‍പൂള്‍ ലീഗില്‍ ഏഴാം സ്ഥാനത്താണ്.

ഇന്ന് നടന്ന മറ്റൊരു മല്‍സരത്തില്‍ ചെല്‍സി ബ്രന്റ്‌ഫോഡിനോട് ഗോള്‍രഹിത സമനില വഴങ്ങി. എവര്‍ട്ടണെ എതിരില്ലാത്ത ഒരു ഗോളിന് വീഴ്ത്തി ന്യുകാസില്‍ ആറാം സ്ഥാനത്ത് തുടരുന്നു. ആഴ്‌സണല്‍-സിറ്റി മല്‍സരം മാറ്റിവച്ചിരുന്നു.